+2348140419490

Keffi Nasarawa State, Nigeria

Download and read free hausa novels

ABOKAI littafi na biyu 2 part 2

ABOKAI
Littafi na biyu 2
Marubuci Shuraih Usman
Typing:- by Shuraih Usman
© Shuraih 99% 2019
Part 2
.
"Kikkirrkirrrrkirr......"
Sautin karar bude kofan dakin ya katse masa tunani, lokaci daya ya mike ya dubi kofan dakin yana mai tu'ajjibi
.
"Waye wannan" Aliyu ya fadi cikin siririyar muryarsa
"Ubankane" Audu ya bashi Amsa yayin da suka shigo cikin dakin
A rude Aliyu ya dubesu duk da baya iya ganin fuskokinsu da abubuwan dake hannunsu amma yaaji ajikinsa ba mutanen kwarai bane
Tunani ya fara akan yadda akai har suka shigo dakin shi da kansa ya kulle kofan dakin ta waje sa'annan ya shigo ta taga, itama tagar ya garkameta
.
"Ya akayi kuka shigo mana daki" Aliyu ya tambaya cikin kakkausar murya
Silli yayi yar karamar dariya yace "fasa kwadon mukai"
"To in fasa kwadon kukai me yasa banji kara ba yayin dakuke kokarin fasawa" Aliyu ya sake tambaya
"Mun sanyawa bindigunmu salansa ce ta yadda ko kai muka harbe ba za'aji karan sauti ba, da hakane muka bazge kwadon" Audu ya fadi yana hasko bindigar dake hannunsa da tocila
.
Lokaci daya Aliyu ya razana sakamakon ganin abunda bai saba gani ba,
"Me mukai maku dun Allah kada ku cutar da mu"
"Ba ku mana komai ba,hakanan muddin kuka bi umarnin mu to zamu rabu lafiya, in kuma aka samu akasin haka, Alburusan bindigata a shirye suke da kasa tsere"Audu ya fadi yana jujjuya bindigarsa
Ya dago kai ya dubi siririn razanannen saurayin dake gabansa a hankali ya tako izuwa gaban saurayin, ya yunkura da nufin ya wuce gaba don ya iski gadon da su haidar ke kwance, kwatsam Aliyu ya sha gabansa yace "dun Allah kada ku cutar da su,domin kuwa sune rayuwata"
.
Audu ya dago kai ya dubi Aliyu ransa a bace yace "dan samari ka gaggauta cire hannunka daga jikina sannan ka matsa min a hanya kafin hushina ya tabbata akanka,"
Silli ya matso kusa da Audu yace "Audu inajin mu kyalesa kawai muyi aikin dake gabanmu domin kuwa lokaci yana dada karatowa"
.
Audu ya dubi silli kana ya dubi Aliyu yace "ok" yana gama fadi ya yunkura da nufin ya wuce amma sai Aliyu yaki matsa masa daga hanya, hakanne ya harzuka dan ta'adda Audu cikin fushi ya daki Aliyu da kotar bindigarsa a tsakiyan ka
.
Kakkarfan Ihu mai kara Aliyu ya saki gami da dafe kansa sannan ya fadi a kasa ko kwakkwaran motsi bai yi
.
Ansakuwwar karar ihun Aliyune ya farkar da dukkan daliban dakin daga barci,
A firgice Jibrin,haidar,hasan da mansir suka farka daga daddadan barcin da su ke, cikin razana suka dubi gabansu,
Anan sukai arba da abun da ya yi matukar tayar masu da hankali, Aliyu suka hango a kwance magashiyan kansa na bulbulo da jini,
"Inna lillahi wa'inna ilaihirra ji'uun" haidar ya fadi lokacin da ya sauko daga kan gadon da suke kwance
"Aliyu me ya sameka" jibrin ya fadi cikin muryan kuka lokaci guda abokan suka ruga don su isa inda Abokin nasu ke kwance, tsananin tashin hankalin da suka tsinci kansu a ciki shine ya makantar da su ga ganin shedanun yan ta'addan dake tsaye a gefen Aliyu,
.
Suna isa inda Aliyu yake kwance suka zube a kas jibrin yayi sauri ya tallafo kan Aliyu dake bulbulo da jini, yana kuka yace "haba Aboki ka tashi mana kada ka tafi ka barmu"
.
Cikin zafin nama haidar ya yanki wani gefe na rigar dake jikinsa ya nade kan Aliyu da shi,
Kalubale na farko kenan da Abokan suka taba tsintar kansu ciki, zuciyoyinsu na dukan tara-tara, hankulansu inyai dubu ya tashi,idanuwansu babu abunda suke sai bulbulo da kwalla,
Babu abunda ya kara tayar masu da hankali sai daukewar numfashin Aliyu, mansir ya kasa kunnensa a hancin Aliyu don jin ko yana numfashi, koda ya tabbatar baya numfashi sai ya dago kansa idanuwansa na zubda hawaye yana cewa "kada kai mana haka Aboki, dun girman Allah ka tashi,ya kake son muyi aboki" yana gama fadin hakan ya kifa kansa a tumbin Aliyu
.
Haidar,hassan da jibrin suka runga sumbatu suna kiran sunan Abokin nasu koda zai tashi,,,,
"Ai bazai taba tashi ba, domin kuwa yayi doguwan bacci wanda bazai taba farkawa, dama kun dena bawa kanku wahala kun mike mun wuce"
Kwatsam Abokan suka tsinkayi wata murya mara dadin saurare tana fadin haka,
Lokaci guda Abokan suka kai dubansu ga wurin da muryan ta fito inda sukai arba da yan ta'addan biyu, suna rike da dogayen bindigu
******========******
"Boys! Boys!! Boys!!! wake up, chidinma! Samson!! Abubakar!!! Habib!!! Steven!ismail,fahad, abeg wake up"
Tsorataccen matashin saurayin ya fadi yana duban daliban dake kwance cikin dakin,
A wurin daliban kuwa ko su san yanayi, sai ma gyara kwanciya da wasu daga cikinsu sukayi
Jagwa ya dubi aba yawo yace "Aba yawo kaga yan iskan yara harda gyara kwanciya, inaga sai mun aiwatar wa dayansu tukun"
"A'a jagwa kada ka fara in baso kake asirinmu ya tonu ba, " aba yawo ya fada yana kusantar wurin da daliban ke kwance yana zuwa wurin ya sa tafkeken hannunsa ya shararawa daya daga cikin daliban tafi a baya,
.
A razane dalibin ya farka yana mai kurma ihu sakamakon zafin daya ziyarci bayansa,
A haka aba yawo ya runga bin daliban yana tashinsu ta hanyar sharara masu tafi,,,,
,,,,,,,
Dalibai ne da yawansu bazai wuce goma ba a tsastsaye sun takure kansu a wuri guda, yawancinsu suna sanye ne da guntayen wanduna da fararen singileti, kallo daya zakaiwa daliban ka tsinci tsoro karara shimfide akan fuskokinsu,
.
Yan ta'addan biyu Jagwa da Aba yawo suna tsaye a gaban daliban, bakin bindigoginsu na fuskantar daliban,
"Ku wuce mu tafi" jagwa ya fada yana yatsina fuska
Cikin tsoro daliban suka fara matsawa suna nufar kofan dakin aba yawo ya daka masu tsawa yace "kai kui sauri mana, kada ku bata mana lokac....."
Karar ihun da ya ziyarci kunnuwan dan ta'addan ne ya katse Maganar tasa,
.
"Ihun me waye haka" Aba yawo ya fadi yana kallon jagwa
Jagwa ya yatsina fuska yace "inajin ko wani ne yayi taurin kai su kuma su Audu suka harbesa, kai ka san halin Audu baya da hakuri"
"To ai kuwa ya bata mana aiki dun karar ihunnan babu inda bai ansa ba a makarantar nan "
"Kai dan ubanku baza kui sauri ku fice daga dakin nan ba" jagwa ya fada yana dumfarar kofan dakin
.
Agurguje daliban suka karisa fita daga dakin,
Zancigaba

ABOKAI littafi na biyu 2 part 1

ABOKAI
Littafi na biyu 2
Marubuci Shuraih Usman
Typing:- by Shuraih Usman
© Shuraih 99% 2019
Part 1
.
Dare ne mai dauke da sassanyar iska, dake busowa ta jikin bishiyoyin da suka mamaye Dajin, Dajin yayi tsit baka jin motsin kowa sai hargowan iska da kukan tsuntsaye , gamida kukan kananun kwari
.
Doguwar mota trela mai tayoyi goma [ten tyre], ta faka a cikin kungurmin dajin mai yanayin ban tsoro,
.
Direban motar ya fito daga cikin motar yana sanye da bakar rigar sanyi, ya kifa hula hana salla a kansa,
Bayan yan dube-duben da direban yayi sai ya koma cikin motar,
.
Bayan shudewan lokuta kalilan sai mutane hudu suka diddirgo daga cikin motan, direban shine a karshe
daya daga cikin mutanen yace "kai silli futo mana da kayan aiki,"
Wanda aka kira da silli ya koma cikin motar,
Izan ka dubi mutanennan zaka ga ba wasu bane illa, JAGWA,AUDU da ABA YAWO sai kuma direban motar,
Silli ya sauko daga kan motar hannunsa rike da jibgegiyar akwatin karfe, ya damfare akwatin da kasa, yace "ga kayan na kawo audu"
Audu yayi murmushi wacce tafi kama da kuka, ya sunkuyo ya kama murufin akwatin ya budeta
.
Dogayen bindigogine kirar AK 47 maqire a cikin akwatin, Audu yakai hannu yana shafa bindigogin, ya karkata bakinsa sannan ya bushe da dariyar mugunta sautin dariyar ta amsa a cikin dajin tamkar a ansakuwwa
.
Jagwa ya sunkuyo ya debi bindigu uku, ya mika wa Aba yawo daya, dayan kuma ya mikawa Silli, ya dubi audu yace "muje"
Audu ya dau bindiga daya ya tokare bakinta a sama, yace "dafatan kun dau hanyar da kyau yadda yanzu ba za mu manta taba"
"Haba Audu Sati daya fa muka dauka muna yin shirinnan ai babu inda muka manta don gaba daya Taswirar hanyar da ta makarantar gamida ta eriyar a kaina suke" Silli ya fadi yana kokarin rataya bindigar a kafadarsa
.
Gajeruwan tafiya ce ta kaisu ga riskan katangar makarantar Government College keffi, suka kariso jikin katangar da bata wuce kamu goma ba, sukai cirko cirko silli ya fiddo wata takarda daga cikin Aljihunsa, ya ajjiye a kasa sannan ya haska takardan da yar karaman tocila mai karamin haske, yace "wannan shine taswirar makarantar gaba daya, zamu shiga makarantar ta katangannan" ya nuna wani gefe a jikin taswirar sannan ya cigaba "hostel din makarantar guda Shida ne, dukkan su suna wurare daban daban, a tsarin da mukai hostel biyune zamu kama, dun haka muna shiga makarantar ta nan zamu fara cin karo da hostel din Gongola house, ta kanta zamu fara , bayan mun kame dukka daliban hostel din jagwa da aba yawo zasu iza keyarsu wurin da motarmu take, ni da kai " ya nuna audu "sai mu wuce Benue house mu kama daliban hostel din duka, sai mu hadu a wurin da muka faka motarmu,,,"
Silli ya karashe bayanin yana duban fuskan Audu sannan ya dau taswirar ya jefeta cikin aljihu,
.
"Kace babu masu gadi a makarantar" jagwa ya tambayi Silli
Silli yayi wata fatalwar murmushi wacce ta kara fidda munin fuskarsa yace "babu masu gadi a makarantar, imma da su ai saimu kawar da yayan banza, jikokin fir'auna"
.
Yan ta'addan su hudu suka haura katangar makarantar inda suka fada cikin surkukin daji mai duhu a cikin dajin sukai ta tafiya har suka iso gaban Hostel din Gongola house
.
Fasalin Ginin da a kaiwa hostel din fasalin ginin zamanin da ne, an shafe bangon hostel din shudin fenti, hasken farin wata ya haskaka hostel din ,
.
Damar da yan ta'addan suka samu kenan wurin karewa hostel din kallo,lokaci daya yan ta'addan hudu suka tallafo bindigoginsu suka daidaita su a hannuwansu cikin sanda suka nufi dakunan kwanan daliban,
Jagwa da Aba yawo suka durfafi shashin dama yayin da Silli da Audu suka nufi shashin Hagu
"Yana ga dakunan a garkame da manyan kwaduna" Audu ya fadi yana duban dakunan hostel din dake garkame da manyan kwaduna Silli ya fiddo da salansan bindiga daga aljihunsa yace "ai daliban ne suke kulle kansu"
.
"Dole sai de mu balla kwadunan " Audu ya fadi yana kokarin daura salansan bindiga a bakin bindigarsa,
Silli ya saita bakin bindigarsa a kan jibgegen kwadon dake sakale a jikin kofan dake gabansu,
Sannan ya saki ma kwadon wuta,
.
Ba shiri jibgegen kwadon ya balle, silli ya sanya bushasshen hannunsa dake boye cikin safa ya cire kwadon daga jikin kofar yai wurgi da shi gefe daya,
Ya kama marikin kofan ya bude dakin, sannan ya kutsa kai ciki,
.....
Jagwa da Aba yawo suka iso bakin wani daki, se dai wannan dakin babu kwado a jikinsa, jagwa ya kama marikin kofan dakin yaja da zummar ya bude amma sai kofan taki buduwa hakan ya tabbatar masu ta ciki aka kulle dakin
.
Cikin takaici aba yawo ya dubi jagwa yace "yanzu ya kenan zamuyi tunda yan iskan daliban nan sun kulle kofan ta ciki"
Jagwa ya danyi guntun nazari kafin yace "matsa min na jarraba wata dabara"
.
Aba yawo ya matsa daga bakin kofan dakin jagwa ya matso kusa, ya fara dukan kofan da hannu, kofan ta fara bada wani sauti sakamakon dukan da jagwa keyi mata,
.
"Who is that" wata murya ta fadi daga cikin dakin
Maimakon jagwa yayi magana sai ya cigaba da bubbuga kofan, "a'a who is that na, person dey sleep you come de distrurb him" aka sake fadi karo na biyu daga cikin dakin
Jagwa ya wage wawakeken bakinsa yace "kai open this door, you come dey sleep you no know weting dey happen "
.
"Cai what, ok but who are you" na cikin dakin ya tambaya
"Eh see this guy u dey ask me who I be, if you no open dis door toh you na go die there" jagwa ya bashi amsa
..
"Ok lemme open" aka fadi daga cikin dakin, kofan dakin ya fara motsi alamar ana kokarin budewa
.
Kofan dakinne ya bude wanwar, jagwa da aba yawo sukai arba da matashin saurayin daya bude kofan yana tsaye a bakin kofan babu komai a jikinsa face gajeruwan wandon kwallo, saurayin da bai kula da abubuwan dake hannun yan ta'addan ba yayi hamma gami da mika yace "ya bros wetin dey happen" ya fada cikin magagin bacci
.
Lokaci daya fuskan saurayin ya canja daga yanayin magagin bacci zuwa tsananin firgici, idanuwansa A bubbude ya daga hannunsa sama, bakin sa na kakkarwa jikinsa na bari tamkar mazari, "abeg bros don't kill me" matashin saurayin ya fadi lokacin da tsinin bakin bindigar jagwa ya kusanci Tumbinsa,
.
Aba yawo yayi masa alamar yai shiru, a razane saurayin ya dora hannunsa daya akan bakinsa ya tsuguna a kas
Jagwa yayi masa inkiya da bakin bindigar akan su koma cikin dakin,
Matashin saurayin da yan ta'addan suka shige cikin dakin
.......
Yana kwance kan katifarsu ga sauran abokannasa a gefe suna sharar barci, fuskarsa na kallon silin dakin din yana murmushi a zahiri in ka gansa zakai tsammanin Silin dakin yake kallo amma abun bahaka yake ba a wurin Aliyu SARKIN DARIYA,
Tunanin Abar kaunarsa yake, yana mai zumudin gobe tayi, a yadda ya kudirta a ransa ba zai taba runtsawa ba har safiyar gobe, tun da Aliyu yake A rayuwarsa bai taba tsintar kansa a lambun farin ciki, mai cike da kayan Annashwa.....
"Kikkirrkirrrrkirr......"
Sautin karar bude kofan dakin ya katse masa tunani, lokaci daya ya mike ya dubi kofan dakin....
.....
Zan cigaba

TASKU littafina daya 1 part 11

Tasku 11

Daga cikin wayannan mutane wasu gardawa suka nufoni da zummar su kamani, cikin sauri sai na rufe dakin sannan na garkame kofan, ban tsaya wata wata ba na nufi kofan fita daga gidan ina zuwa kuwa naga gate din a kulle babu ta yadda banyi ba dun na bude anma abu ya gagara
.
Gaba daya na birkice jikina sai bari yakeyi, na runga tunanin abun daya kamata na yi cikin sauri na dumfari katangar gidan domin kuwa na kware wajen haura katanga, don tun lokacin da muke makarantan kwana izan muna son mu shiga gari toh katanga muke haurawa,
.
Ban tsaya wani tsaibi ba na kama katangar wanda ma sam bashida tsayi nayi kokari na haura kan katangar daide zan dirga a waje kenan sai naji hannu ya rike mani kafa daya na saki ihu ina kokarin fisge kafata, dakyar dai na samu na kwaci kafata daga hannun wanda ya rikeni din cikin sauri na dirgo a wajen gidan sai de me
.
Anan hankalina ya kusan fita daga jikina, numfashina ya nemi ya dauke don kuwa abunda na gani ya tabbatarmin da lallai na fada a cikin TASKU babba, a dokar daji na tsinci kaina babu gida agaba babu gida abaya,
.
Karar gate din gidan danaji ne ya katsemin tunanina na tabbata sune suke fitowa ban tsaya duba hanya ba na yanki daji na runga falfala gudu wanda sam bansan ma ina zan nufa ba, ni dai kawai gudun ceton raina na keyi, nayi gudu mai nisa har na iso bakin titi, toh a nan ne na runga neman abun hawa amma ban samu ba domin kuwa lokacin dare yayi, masu abun hawa daddaya ne suke wucewa suma kuma ko na daga masu hannu alamar su tsaya basa tsayawa
.
Babu abunda nake sai kuka inajin mugun tsanar sabeer a cikin zuciyata , da dai naga na dade a bakin hanyan ban samu abun hawa ba sai na cigaba da taka sayyada ta, ina tafiya sauri-sauri gudu-gudu har na fara isowa wajen jama'a toh a nan ne hankalina ya soma kwantawa
.
Dai dai nazo wajen wani kwari sai naga wata bakar jeep kirar range rover, na daga mata hannu alamar ta tsaya, nayi mamaki da naga ta tsaya don kuwa ni sam ban yi tsammanin zata iya tsayawa ba,
Tsayawar motar keda wuya sai wasu katti su uku suna sanye da bakaken kaya , suka fito daga cikin motar batare da bata wani lokaci ba suka iso inda nake suka rufe mani baki sannan suka jani cikin motar suka ja,
.
Direban ya ciro waya daga aljihunsa ya buga sannan ya kara a kunnensa can sai yace Oga S.B mun kama yarinyar , yanzu haka tana hannunmu, mu kasheta ne ko mu kawo maka ita
Ban san abun da aka cemai daga wancan bangaren ba sai ji nai yace Ok oga angama
.
Mun danyi tafiya kadan sai kuma ya faka motar a gefen hanya sannan ya dubeni da kyau sai naga ya lashe baki da harshensa, ya maida dubansa wajen daya daga cikinsu yace mai " ABA YAWO wai kaji fa oga da wani wawan zance "
Wanda aka kirawo da aba yawo yace "me yace ma"
"Wai cemin yayi na kaimai ita yanzu yanzu"
"Toh kai nufinka ina zamuje da ita inba wajen oga ba"
"Damuwana dakai kenan abayawo baka da ganewa, haba ka dubi zukekiyar yarinyarnan kace wai haka zamu kai wa oga ita, kuma kaima kasan ko mun kaita yanzu kasheta zasuyi su ba wa shegen dodon sun nan jininta yasha"
Ai inajiin haka sai cikina ya kada , numfashina ya kusan tsayawa sai a sannan na tuna da Addu'a na somayi a zuciyata
Direban yaci gaba "dun haka muma zamu dan faka mu yagi namu rabon kafin mu kaimai ita,ko ya kuka gani"
Ya idda maganarsa yana duban sauran yan uwansa
Suka gyada kai alamar sun amince direban ya bude kofa ya fito suma duka suka fito nima suka fito da ni suka daukeni suka kaini cikin kogon nan daka tarar damu suna kokarin suy mani fyade sai Allah ya kawo ka kace ceni,...."
Rufaida ta karashe labarinta tana mai shisshikar kuka,
Daga ni har mujahid mun firgita da jin labarin da rufaida ta bamu,
"Inna lillahi wa inna ilaihirra ji'un "
Shine kadai kalman da bakina ya iya fadi,
.
Na dubi rufaida da razananniyar fuskata nace "shin kin fadawa mahaifinki?"
"A'a ban fada masa ba"
"Amma mai yasa baki fada masa ba kina da sanin cewa lamarinnan na iya sanadin rasa rayuwarki"
"Eh na sani amma sam bana son mahaifina ya sani, saboda muddin ya sani sai ya kusan Kasheni" rufaida ta fada tana share hawayen da ke kwaranyowa daga idanunta
.
"Amma rufaida yana da kyau ace kin fadawa mahaifinki saboda a dauki kwakkwaran mataki akan lamarinnan tun kafin Mugayen mutanen nan su sami nasarar kamaki," mujahid wanda yake a firgice ya fada yana kallon Rufaida
.
"Don Allah ina rokon ku da kada ku fadawa mahaifina don muddin ya sani yana iya Kasheni"
Rufaida ta fada
.
Babu irin yadda ba muyi da rufaida ba akan ta sanar wa mahaifinta da lamarinnan , amma ta ki daga karshe ta runga yi mana magiya tana bamu hakuri akan kada mu sanar da shi,
A ce warta wai akwai lokacin da ya kusan kasheta da duka don ya ganta tana magana da wani dan unguwar,
.
Duk da haka sai dana nuna mata illar rashin sanar da shi din da kuma abun da hakan zai iya jawo wa
.
**********
Muna tafe ni da mujahid kan hanyarnu na komawa gida,
Fuskokin mu na duban kasa
Dukkanmu da tunanin da yake yawo cikin zuciyoyinmu,
.
"Shuraih ni dai in kabita shawarata ku kai maganar nan wajen hukuma don kuwa wannan ba karamar magana bace, ni nafi jiyewa ita Rufaida saboda taga Sirrinsu a kowani yanayi zasu nemi hanyar da zasu kasheta don kada ta tona masu Asiri" mujahid yafadi lokacin da yake duban fuskata
.
Nayi murmushi amma na tsoro " ni kaina tunanin da nake kenan,don lamarinnan ba karami bane ya kamata a sanya hukuma ciki amma dai kaji yadda mukayi da rufaida, babu yadda banyi ba akan mukai maganar nan wurin Hukuma taki ace warta wai bata son mahaifinta ya sani,"
.
"Karabu da ita shuraihu ita yarinyace har yanzu da yarinta akanta kazo yanzu mu wuce barikin yan sanda, "
Nayi shiru ina nazarin maganar mujahid Ni kaina nasan maganar mujahid gaskiyace don ya dace mukai maganar nan gaban yan sanda to amman gudun abunda zai biyo baya nake, na kai dubana izuwa sararin samaniya inda idanuwana sukai arba da hazo hazo na gajimare,
,
Na fada sabon kogin tunanin mafita akan wannan lamari, don kuwa in har mukai sake toh rayuwarmu ni da Abokina Mujahid gami da Abar kaunata Rufaida yana cikin hadari don akowanne lokaci zamu iya fuskantar barazana wacce zata iya kaiwa ga mutuwarmu
.

Tasku 12
.
Na fada sabon kogin tunanin mafita akan wannan lamari, don kuwa in har mukai sake toh rayuwarmu ni da Abokina Mujahid gami da Abar kaunata Rufaida yana cikin hadari don akowanne lokaci zamu iya fuskantar barazana wacce zata iya kaiwa ga rasa rayukanmu
.
Mafita daya ce mu sanar da mahaifin Rufaida abun dake faruwa, na aiyana hakan a zuciyata gaba daya a rikice nake, dun nayi matukar tsorata da labarin da Rufaida ta sanar dani,
Yanzu da ace banzo ba da shikenan Rufaida ta rasa Rayuwarta kenan,
.
Alokacin da na tuna haka sai naji zuciyata ta buga da karfi , gabana ya yi mummunan faduwa, Addu'a na fara yi azuciyata kan Allah ya karemun abar kauna daga sharrin yan mafiya, dama dukkan mutane gami da Aljanu
.
Alokaci daya na dubi mujahid wanda ya sadda kai kasa ko ba'a fada min ba nasan shima labarin da rufaida ta bamu ne yayi matukar Tsorata shi,
Nasan Ayau kam dukkan wani katabus na shi ya kare,
"Mujahid " na kira sunansa
Ya dago kai ya dubeni da tsoratacciyar fuskarsa wacce ta fara tsastsafo gumi yace "na'am"
"Me zai hana yanzu mu je mu samu mahaifin rufaida mu sanar da shi abin dake faruwa, kaga sai ya dau mataki"
.
"Yanzu kayi magana, mu juya muje mu sameshi yanzu ba sai anjima ba" mujahid yafada yana mai juyawa
.
"To ai damuwar daya ce"
"Me ce ce Damuwar"
.
"Yanzu ko munje gidan bayanan "
"Baya nan kamar yaya"
"Ka manta a gabanmu ya fice da zu "
Na fada lokacin da hankalina ya tafi ga wata bakar Mota kirar Jeep data tunkaro mu gadan gadan na kurawa motar ido bana ko kiftawa, gabana ya cigaba da faduwa
.
Mujahid ma ya lura da motar cikin tashin hankali ya ke bin motar da kallo,
Daidaikun mutanen dake wucewa ta hanyar da wayanda suke sabgoginsu suka kurawa motar ido don ganin ba karamin Gudu motar keyi ba, kuma cikin angwa
.
Sai da ya kasance tazarar da ke tsakaninmu da motar bai da nisa sannan hankalina ya tashi na tabbatar cewa ba lafiya ba ganin yadda motar ta dumfaro kanmu
.
Motar tayi burki a daidai gabanmu kadan ya rage ta yi waiji da mu, ni da mujahid mun riga da mun sadakar motar tabi ta kanmu amma cikin mamaki sai mukaji karar birkin motar a gabanmu
.
Yan angwa da mutanen dake wucewa suka tsastsaya daga nisa suna kallon irin gangancin da mamallakin bakar motar yaso yi suna tir da shi, wasu daga cikinsu kuwa gani suke tamkar Shifci ce
.
Mujahid ya dubeni cikin tsoro yace "shuraihu wai me ke faruwa ne, me ne ne gamin mu da bakar motar nan"
,
"Ni kaaina ban taba ganin motar ba sai......."
Maganata ta katse Daidai lokacin da kofar gaba na motar ta bude wani bakin mutum mai suffar mutanen Farko ya fito daga ciki,yana sanye da bakaken kaya gamida bakar takalmi sau ciki
Kallo daya na mai na ganeshi, yana daya daga cikin mutanen da na kwaci rufaida daga hannunsu ,
.
Dogon mutumin mai kirar samudawa yayi wata fatalwar murmushi wacce kan iya tsorata mutum, na tabbata izan yayiwa yara kanana wannan murmushin to zasu iya sumewa
.
Hannunsa na hagu tana cikin wando yayin da hannun damansa take kugunsa abunda idona ya hango mani a kugun nasa shine abun daya kusan sanya ni sakin fitsari a wando
.
A mafarki, da fina finai kadai nake ganin ta ban taba tsammanin zanganta a zahiri ba , Bindiga ce kirar pistol take soke a kugunsa
Mutumin ya nufoni ba karamin razana nayi ba da zuwan mutumin ya rungumeni yana cewa "ya kake ne mutumina, kwana biyu"
.
Na samu kaina da furta mai lafiya
Ya je ya rungume mujahid suka gaisa kafin daga bisani ya ce damu "abokai ammafa kun debo tafiya mai zai hana kuzo na rage maku hanya"
Yana maganar hannun damansa tana shafa karamar bindigar dake soke a mararsa
.
Mutanen da suka tsura mana ido da suka ga yazo ya rungume mu sai dukkansu suka cigaba da Al'amuransu suna masu tir da irin wannan dabi'a ta Shifci
.
Naso nace mai mungode amma sai naga yana kada mani dan yatsansa akan kada na yadda nace A'a
Haka ina ji ina gani muka nufi motar tasa ni da mujahid Gidan baya muka bude da zummar shiga , turus mukai sakamakon ganin Rufaida a cikin Motar an daure mata hannuwa da kafafu hakanan an rufe mata baki da wani irin Salaten wanda ban taba ganin iirinsa ba sai a fina finai
.
Nayi mamaki sosai da ganin rufaida, kai kace ba itace mu kabarta dazu a gidansu ba,
"Uwar me kuke jirane har yanzu da baku shigo ba"
Wani Kato dake kujeran gaba ya fadi na lura shine ke tukin motar
.
Da saurina na shige cikin motar na zauna kusa da masoyiyata rufaida, mujahid ma ya biyo bayana,
Direban ya tashi motar ya bata wuta
..............
Anan na kawo karshen Littafi na daya
Sai ku biyoni cikin TASKU littafi na Biyu 2 domin jin yadda zata kasance
.
Wannan labari kirkirarrene daga Shuraih Usman
Shekarar rubutawa 2016
Gyara 2018
Marubuci Shuraih Usman
Hakkin Mallaka (m) Shuraih Usman
Copyright (m) Shuraih Usman 2016
.


TASKU littafina daya 1 part 10

Tasku part 10
Littafi na daya 1
"Wata rana na fita zanje siyayya na nufi wani Mall da shigana wajen na shige wani shagon sai da kayan mata , toh a nan ne na hadu da shi..."
.
Nan na katse ta ina mai tambayar da wa kika hadu ,
Nan da nan fuskarta ta canja ta cigaba "wasu Abaya na mata na dauka naje wajen biyan kudi domin na biya,
.
Tunda na shigo cikin wannan shagon na lura da wani kyakkyawan saurayi yana ta kallona, shi wannan saurayin yana sanye cikin bakar suite, da bakaken takalmi, ya ci bakar tabarau
.
Koda nazo biyan kudin sai mai shagon yake sanar dani ai wancan mutumin ya riga daya biya min ko, na juya wajen da naga mai shagon ya nuna min da hannu banyi mamakin ganin wannan mutumin ba
.
Karisowa wajen da nake yayi sannan yayi mani sallama
"Assalamu'alaiki yake wannan kyakkyawar gimbiya"
.
"Wa'alaikassalam" na fada cikin sakin fuska
Kallo daya na mai na gane me ya kawoshi wajena
"Da farko dai suna na sabeer anma anfi kirana da S.B gaskiya tunda nake a rayuwata ban taba cin karo da macen da naji na kamu da tsananin kaunarta a zuciyata ba duk da dai ban san sunan ki ba amma ina so ki sani cewa I NA SONKI"
.
Kwata yana yinsa bai min ba hakan tasa na ce dashi " malam sabeer kayi hakuri don kuwa dakwai wanda nake kauna so kuma na aure" ina fada mai hakan na wuce nai tafiyata, sannan na bar mai kayayyakin a wajen
.
Ban san ya akayi ko ta yaya sabeer ya samu nombana ba, wata rana da daddare kawai ina kwance a cikin dakina sai wayana ta dau kara, koda na duba fuskar wayar sai naga bakuwar nomba ce , hakan yasa na fita harkar kiran ban daga ba
.
Sai da aka kira kusan sau goma sannan na dauki wayar na daga
"Assalamu'alaiki ma'abociyar kyawu, " naji muryan da inaji na gane mai muryan,
Na amsa mai da "wa'alaikassalam"
"Rufaidah kisani cewa nayi bincike akanki na gano cewaa bakyada wani saurayi,
Ina sonki rufaidah ki taimaka ki amshi tayin soyayyata ko zuciyata ta dan rage zogin data ke yimin , ina sonki rufaidah"
.
Nan dai yai ta damuna da surutansa nai shiru dai kawai ina jinsa,
Ba'a dade ba naji nafara sonsa, har takai ga yakan kirani a waya muyi dogon hira,
.
Wani lokacin kuma zuwa yake muje shakatawa da sauran wuraren da masoya ke tafiya
.
Yadda nake jin soyayyarsa araina a lokacin, bazan taba rabuwa da shi ba
,
Wata rana bayan sallar isha'I sabeer yazo wajena domin ya saba zuwa kuma koda yazo toh baya karasowa kofan gidanmu, sai dai ya tsaya a bakin angwanmu ya kirani a waya ni kuma nazo na sameshi, ko Abbana bai san cewa ina da masoyi ba nima kuma sabeer ya kwabeni akan kada na fada mai,
Koda na tambayeshi dalili sai yace min wai baison dukkan wani abun da zai kawo cikas ma soyayyarmu, wai ya fiso kawai abbana yaganshi a lokacin da zai turo magabatanshi irin wayannan zantukan nasa dayake fadamin sune suka hanani sanarwa wa abbana cewa ina da saurayi
,
Alokacin da sabeer ya kariso angwanmu sai ya bugo mani waya ya sanar dani, toh dama na riga dana fadawa Abbana cewa zankai wa kawata ziyara in anjima shi yasa ban samu wata matsala ba wajen fitowata daga gida
.
A inda ya saba tsayuwa a wajen na sameshi , na bude murfin motar na shiga gaba,
Yana sanye da kana nan kaya jajjaye sun dame jikinshi da kyau yayi mugun kyau, idanuwansa suna boye cikin bakar tabarau din daya saka ,
Yana ganina ya fadada fuskansa da murmushi sa'annan yace beuty kinga yadda kikayi kyau kuwa tunda nake ban taba ganin kinyi kyau irin na yau ba, nayi murmushi nace mai, ai kaima yau kayi mun mugun kyau musamamman ma wayannan kayan daka saka sun dace da jikinka"
Dariya yayi sannan yace beuty so nake ki rakani mududduba wani Gida na ke son na siya domin kuwa a cikin gidan zamu zauna,
Cemai nayi muje don kuwa ni ban kawo komai a raina ba
.
***********
Motarmu ce ta faka a gaban wani tangamemen gida muka bude kofa muka fita, sabeer ya ciro wata na'ura daga aljhunsa mai kamar waya, ya daddana sai naga gate din gidan ya bude da kansa,
Jinjina kai nayi nace a raina tabbas sabeer ba karamin mai arziki bane, amma kuma bansan sana'arsa ba, akullum na tambayeshi aikinsa sai ya cemani kasuwanci yakeyi, hakan kawai yasa nake basarwa bana son tambayansa don gudun kada ransa ya baci
.
Muka shiga cikin gidan da sabeer ya faka motarsa agun da ake ajjiye motoci, shiganmu gidan keda wuya sai na samu kaina cikin faduwar gaba , gabana sai faduwa yake amma sai na dake , sabeer ya riko hannuna yaja ni cikin falon, babban falone wanda ya aka kawata shi da kayan ado tako ina, bamu tsaya anan ba sai sabeer yace mani mu fara zazzagaya gidan
Mun zazzagaya gidan gaba daya babu dakin da bamu shiga ba,
Bayan mun dawo rantsastsen falon gidan mun zauna muna huta gajiyan tafiyar da mukayi, sai sabeer yace mani" beauty bari na dan kawo maki lemu ko"
Gyada mai kai nayi alamar na amince
Ya tashi ya shiga wani daki wanda shine kadai dakin da bamu shiga ba acikin gidan, akalla ya dau mintoci biyar bai fito ba hakan yasa na bi bayansa cikin dakin ina bude kofan dakin anan naga abun daya tayar mani da hankali, jikina sai bari yake ,kwakkwalwata sai da kusan tsayawa
.
Mutane ne wajen su ashirin suna jere a cikin layi bibbiyu dukkansu suna sanye ne da jajayen jallabiya sannan sun dora wani jan kyalle a goshinsu,
A gaban wayannan mutane wani tsohon mutumne tukuf da shi gashin gemunsa fari fat, mutumin yana sanye da bante sai wani jan tawul daya rataya a kafadarsa,a durkushe a gaban wannan tsohon sabeer ne shima ya daura jan kyalle a goshinsa, yana rike da wata kwarya a hannunsa ,
.
Dukkansu suka juyo da kallonsu gareni yayinda sabeer ya mike tsaye yazo tsakiyar mutanen nan yace "wannan itace kyautata ga dodo barnumu, "
Yana gama fadin hakan sai ya kafa kwaryar dake hannunsa a cikin bakinsa, yana cire kwaryar ne naga wani dison ja a gefen bakinsa
.
Daga cikin wayannan mutane wasu gardawa suka nufoni da zummar su kamani, cikin sauri sai na rufe dakin sannan na garkame kofan, ban tsaya wata wata ba na nufi kofan fita daga gidan ina zuwa kuwa naga gate din a kulle babu ta yadda banyi ba dun na bude anma abu ya gagara

TASKU littafina daya 1 part 9

TASKU
kirkirarren labari
daga Shuraih 99%
Part 9
. . Ina zaune bisa wani kujera, na yi zurfi cikin tunani . "Assalamu'alaikum" naji muryar Abbana . Umma ta ce ta amsa mai sallamar , ko kallon inda nake baiyi ba ya wuce izuwa dakinsa . Ina ganin haka nace a zuciyata yau dea zanje na ba Malam hakuri, inma wani laifin na mai a iya sanina ni dai nasan babu laifin dana aikata masa, . Na tashi na nufi cikin dakin nasa, sallama nayi na shiga na iske shi a zaune bisa kushin a tsakiyar falonsa, Ya amsa sallamar amma kansa aduke yana danna waya, . Na durkusa bisa guiwowina a gabansa nace " Malam kayi hakuri, bisa abin dana aikata, duk da bansan abin dana aikatan ba, tunda na taso a gidan nan baka taba fushi da ni ba sai wannan karon Sannan kuma fushin iyaye masifa ce ga yayansu, don Allah malam ka yafeni, kaine komaina a rayuwa kamin komai" . Sai asannan ne yadago kai ya dubeni "ni baka batamin rai ba, illa dai kawai abu daya , malam shuraihu (sunan da babana ke kirana da shi kenan) shin me ya hadaka da wannan yarinya sannan kuma a cikin tsohon dare, Ta yaya zaka nemi ka bata sunan wannan gida namu , dukkan mutanen wannan angwan suna ganina da kima da mutunci, " Yadanyi ajiyar zuciya , Sai a sannan ne na fahimci inda maganan Malam ya nufa, Yaci gaba da cewa" shin yaushe ka watsar da tarbiyar dana baka , shin yaushe rudin duniya ta fara debarka, kodai MUGAYEN ABOKAI ke maka hudubar shaidan, sam sam bazan yadda ka batamin suna a wajen mutane ba" yafada cikin bacin rai . Na dubeshi sannan nace"Malam ba abin da kake tunani bane , babu wani wanda ya'isa ya gurbata wannan tarbiyar daka bani sai Allah, dayar dar Allah bazan taba jawo maka zagi wajen mutane ba, " Nan na fede wa babana biri har wutsiya, sannan na kara da fadi mashi cewa ni ina Sonta da aure ne bawai da wani nufin ba . "Alhamdulillah Alhamdulillah dama mu abin da muke so kenan , tuntuntuni nake ta yi dakai akan kayi Aure amma sam kaki toh yau kam babu wanda ya kaini farin ciki bisa wannan zance daka sanar dani, yar gidan wacece" Nan na dan susa keya " bansan sunan mahaifinta ba amma zan....." Sallamar da mukaji ne ya dakatar da zancena, Mahaifiyata ce ta shigo dauke da farantin abinci ta ajiye farantin mai dauke da kuloli biyu da kuma cokula a saman wani dan karamin gilashi mai kirar teburi, wanda akayi dama don hakan ," . ******** *********** ****** Ina tafe bisa mota ta kirar 406, wani sauti na saka , sai tashi yake yadda kasan wani club , , Pakawa nayi a gefen titi sannan na kira wayan mjd, . Bayan ya dauka ne na sanar dashi yanzu haka ina kofar gidansu ina jiransa, , Baifi minti biyar ba da ajiye wayata, sai gashi nan ya fito, yana zuwa ya shige gidan baya ya zauna. Na duve shi" malam kasan ni ba direban kabane koh" . Murmushi yayi sannan yace" ok zaka basu labari badai ni ba ,muje zuwa..." Ya fito ya dawo gidan gaba kusa dani, nan na tashi motar muka hau hanya, , "Ya baba ina muka nufa" yafada dai dai lokacin dana sharo wata kwana ta wani babban gareji, "Ba saidaka zan ba,kaji don haka ka kwantar da hankalinka" na fada yayin da hankalina ke wajen tuki . Har muka iso gidan bai ce dani ufFan ba mun karisa ciki sannan na kira wayarta, , Bugu daya Tadauka anan na sanar da ita ina gidansu, inajin lokacin da ta sa shewa, sai kuma tace dani na kariso dama mahaifinta yana so yai magana dani, , ******* ********** ******* Rantsatstsen falone wanda ya amsa sunansa , mahaifinta yana wani babbar kushin maicin mutane akalla goma , sai kuma ita Rufaidan tana gefensa , Nida mjd zaune bisa wani sofa mai cin mutum uku zuwa hudu, mun fuskanci juna da mahaifinta, , "Yaro tabbas ka ceto yata daga shiga wani hali na rayuwa, sannan ka ceto martabar wannan gida,ni nama rasa da wata kalma zan yi amfani da ita wajen yi maka godiya,na gode yaro, shuraihu kake ko shuraiha" mahaifinta yafada yayin daya ke dubana, . "Shuraih ne sunan baba, sannan basai kayi mini godiya,ai wannan ba wani abu bane tamkar kanwata haka take ,ka dai gode ma Allah mai kowa mai komai," , Wayarsa ce tayi kara nan danan ya daga magana sukayi daganan yace damu shi zai tafi izuwa wani taro da aka kirashi na gaggawa, . Bayan tafiyarsa ne na dubi Rufaida wani zunzurutun sonta ne ke kara shiga cikin zuciyata, , Toh anan ne na tambayeta ya akayi har wayannan karti suka kawota cikin wannan kwarin da kuma dalili . Nayi mata wannan tambayar ne don kawai naji sautin muryarta wanda ya kasance mai zakine tamkar zuma, , Ta sauke ajiyar zuciya sannan ta dubemu ni da mjd tafara bada labarin kamar haka
.
Ku biyoni a part 10 Its Shuraih 99%

TASKU littafina daya 1 part 8

TASKU
kirkirarren labari
daga Shuraih 99%
Littafi na daya 1
Part 8
.
. Daga nan bansan kome ya faru dani ba , Idanuwa na ne suka fara budewa, na dan fara gani dishi dishi, . Toh a sannan ne idanuna suka washe na fara gani da kyau, . Kwance nake bisa wani katifa mai dan karen laushi, a gefena ga mahaifiyata! Da mahaifina, Gefen haguna kuwa, Mjd nagani shida Anas , . Na dan mike da kyar na jingina da bangon wAjen wanda nake tunanin asibiti ne, . "Sannu, koma ka kwanta," mahaifiyata ta fada, a lokacin data ke dubana . Sai a sannan ne na lura da kafata na hagu , wani dogon karfe ne a gefen gadon a sakale ajikin karfen wani farin bandeji ne wanda ya taimaka wajen tallafo kafata, izuwa sama, Wajenda wannan karen ya dan kara min cizo, an dabaibayeshi da bandejii . Sai a wannan lokacinne a bubuwan da suka faru dani suka fara zarya a cikin kwalkwalwata . Na tuna lokacin dana bingire kasa, abin da kunnuwana suka jiye min na karshe shine*n sautin kukan rufaidah, . Na dubi mahaifiyata nace mata "umma ya akayi na zo wajennan," . "Abokinka ne ya dauko ka, kaida wata yarinya, a can wani angwa," ta ce dani tana duban mjd . Mjd najin haka ya matso kusa dani sannan ya dafa kafaduna," Nazo gidankune nemanka shine aka sanar dani baka nan, dana tambayi umma shine tace min tun da mukayinnan ne haryanzu ba ka da wo ba" Yadan sauke ajiyar zuciya sannan yaci gaba"toh a lokacinne nakira wayarka, bayan an dauka ne naji sautin mace kuma da alamu kuka take, anan ta sanar dani halin da kake ciki, tai mani kwatancen, wajen da kuke , Ina zuwa kuwa na iske baka cikin hayyacinka, nan na daukoku izuwa wannan a sibitin yanzu haka ita tana wancen bangaren, amma abin dana keso dakai, ka kwantar da hankalinka babu abinda ya sameta, kawai, dai dan kurkurjewan da tayine ake yi mata treatment nashi" . Na mayar da dubana wajen mahaifina , wanda ya hada rai tamkar an turo masa da sakon mutuwa, "baba....." Yada katar dani ta hanyar daqa mani hannu alamar baya bukatar wani zance. . ********* *********** ****** Zaune nake a tsakar gidanmu, a gefe ga ummata, tana gyaran shinkafa, , Yau kwana daya kenan da sallamata daga asibiti, Tun alokacin na fahimci mahaifina yana daddaure mani, Koda na gaishesa sai dai ya amsa a cikin daure fuska, sabanin daa . . Gidan mu gidan mutuncine sannan mahaifina malamine, Sunansa, Mu'azu toh sabida malumtarsa sai ake kiransa da Malam Mu'azu, Ummana itace kadai matarsa, sunanta, Maryam, ana mata lakabi da mairo, ni kuma umma nake kiranta, kuma nine kadai dan da suka haifa a duniya, . Bakaramin ji dani mahaifina yake ba, dun ya nunamani gata, tun ina karamin yaro, har nafara girma, toh a sannan ne yasaka ni awata makaranta ,SOKOGA,private ce nayi nursery da primary acan daga baya kuma na koma KDF acan ne nayi secondry school dina , Dana idar sai na sami admission a NSUK, ina karanta fannin Engineir, , Shekaruna biyu kenan da fara aiki da wata kamfani na kera kayan motoci da na mashina, a Abuja, . A ka'ida ta duk ranar jumu'a, ina zuwa gida nayi hutun mako tare da mahaifana, . Wannan makonma hutun nazo dana san abin da zai faru dani kenan tabbas da na hakura da wannan hutun, , Muna namu Allah na nashi, Wannan shine takaitaccen tarihina . Kubiyoni a part 9 . Its Shuraih 99%

TASKU littafina daya 1 part 7

TASKU
kirkirarren labari
daga Shuraih 99%
Littafi na Daya 1
Part 7
.
. Wasu murdamurdan karnukane su biyu, jikinsu sur gashi, girman kowani dayansu yakai girman kosashshen rago, baki bude suka nufo mu suna haushi, , Sam sam karka dauka wai ina jin tsoron karnuka , Toh ni da anguwarmu ma cike yake da karnuka . Toh amma da nai arba da wayannan kosasssun karnukan sai da hantata ta kada , domin ban saba ganinsu ba . A dai fina-finan indiya da america ina ganinsu, toh amma a zahiri dai yaune mukayi kicibis dasu . Koda wayannan karnuka suka fara kusanto mu Sai rufaida ta rude ta tsuguna a kasa ta rufe fuskarta, . Haryanzu wukar dana cire a kugun katonnan yana hannuna , Nan na kara damkeshi da kyau tamau, . Karnukan suka daka tsalle a lokaci daya suka fado jikina , a sannan ne suka mangareni na fadi akasa, . Rufaida na ganin hakan sai ta taso daga tsugunen data ke ta dauki wani shirgimemen dutse, Tayi nasarar jefar kare guda da wannan dutsen sai dai , dutsen bai jimata rauni ba, . Karnukan dukkansu suka juya izuwa kanta, na tabbata izan har suka, isa gareta , lamari ya baci . Cikin sauri na yi gudu na wawuri kare daya na yafa da kasa sannan na caka mai wuka a kafarsa daya, nan ya kwanta sai shureshure yake, dayan karen na ganin haka, sai ya dubeni sannan ya nufo ni cikin gudu . Koda ya rage baifi zira'I kadan muhadu ba sai ya daka tsalle ya fado jikina yasanya gaba daya farcensa a gefen wuyana bakinsa kuwa wadda take wangame tana saitin maqokwarona, nufinsa ya fasa makoshina da fikarsa . Koda na fahimci manufarsa, sai na yunkura don na yi cilli dashi amma naji na kasa sakamakon dannenin da wannan karen yayi, . Karfin tsiyane da shi, da kyar na tureshi daga jikina, . Sannan na bishi na kama bakinsa na caka mai wukar a tsakiyar ka har sai da ta fito ta cikin bakinsa nan take yafadi kasa matacce, , Na nufi wajen rufaida wacce tagama tsorata da wayannan karnukan . Nakama hannunta muka tashi tsaye, Toh a daidae wannan lokacin ne al'amarin ya faru, Wani radadine ya ziyarce kafata, na'zata ko zarto ne aka sa za'a yanke kafar, sai a sannanne idona yai arba da dayan karennan ya damfara wa kafata cizo, . Na janye kafata daga bakinsa, na dan rarrafa, ina cikin rarrafen ne naji hannuna ya taba wani abu , . Bakomai bane illa guntun bulo, ji nayi saukar karennan a ruwan cikina, . Ai ban tsaya wata bata lokaci ba na rarumi wannan bulo din na maka masa aka, Nan yayi gefe, ya bingire a kasa koda naga haka sai na tashi, na hau ruwam cikinsa, nai ta maka masa wannan bulo din aka har sai da bulo din ya juya izuwa gari, , Sai a sannan ne hankalina ya dawo jikina na yunkura na mike tsaye , , ******** *********** ******** , Munyi tafiya mai nisa a cikin wannan daren, Har muka iso daidai wajen wani gada wanda a akasar wannan gada ba komai bane illa wani katon kogi, shi wannan kogin ana mai lakani da mahannu, . Muna zuwa daidai gadan na turje sakamakon kafata data ke yimin wani mugun ra dadi, . Na dubi rufaida na ce da ita, "duk da mun kasance muna cikin halin tashin hankali, toh wannan bazai sa na gagari furta miki sakon zuciyata ba" . Ta dubeni cikin alamun rashin fahimtar inda zance na ya nufa "Tun lokacin dana fara ganinki, lokacin da idanuwa sukai arba da wannan kyakyawar fuskar taki, tun a sannan wani mashi mai dauke da dafin sonki ya ca keni a kahon zuciyata, Kece kawai maganin wannan dafin sam sam wannan lalurar dake jikina bai dameni ba, Don muddin akan kine zan iya, sadaukar da rayuwata, Kisani Rufaida I NA SONKI, Bawai so na fatan baki ba sannan bawai so irin na mayaudara ba , ke wata ginshikice na a cikin rayuwata" Ina gama fadin wannan kalmar na bingire kasa sumamme. Daga nan bansan kome ya faru dani ba , . Ku biyo ni a part 8

TASKU littafina daya 1 part 6


TASKU
kirkirarren labari
NA Shuraih 99%
Littafi na daya 1
Part 6
.
.
Koda wayannan karti hudun suka ga abinda nayi wa dan'uwansu sai suka zaburomani tamkar zasu cinyeni danye , Zobe suka yi mani sannan muka fara kallon kallo tsakanina dasu, , Yadda kasan giwaye ne suka sa cinnaka a tsakiya haka sukaimani, wani garjejen kato daga cikinsu ya rarumeni yadaga sama sannan ya tika da kasa, , Ai nan naji tyamkar, kashin bayana ya karye, na kwala ihu , Koda ganin hakan sai daya daga cikin kartin ya dubi wanda ya kwada ni da kasa yace "Yanzu sisini maza je ka duba lafiyar Gogo, " Wanda aka kira da sisinin najin haka ya nufi wajen katon dana barar dazu da dutse , Ya dagashi daga kwancen dayake, sannan ya zaunar dashi, . Sukuwa cikon ukun sai suka fara dumfaro inda nake kwance , koda na farga da su sai na cika hannuwana da kasa, Daidai wani kato ya kawomani naushi sai na tsuguna ya naushi iska, kafin yakai ga juyowa na watsa mai wannan kasar dana diba cikin hannuwana acikin idanunshi, , Nan ya tsaya turmus sai karkade idanu yake, . Nan take kuma idanuwana suka kai ga mararsa inda ya soke wata wuka irin na yan daban nan kafin yan'uwansa suyi wani yunkuri, tuni har na zare wukar a mararsa , A samam makoshinsa na sanya wukar sannan nayiwa yan'uwarsa barazanar, cewa in suka kariso gareni toh tabbas zan yan kashi, . Koda suka ga haka sai dukkansu suka fara ja da baya , . Nima ina ganin hakan na dubi wannan budurwar da haryanzu take kwance gashin kanta a barbaje, sannan bakinta na fidda jini , Nace mata" tashi mu tafi" . Nan ta mike ko dankwalinta bata tsaya daurawa ta nufo bayana . "Kana jefa kanka a cikin matsanancin tashin hankali, lallai kasani muddin ka aikata, abin da kake yunkurin aikatawa toh lallai, sai kayi dana sani , alokacin da dana sanin bazai yi maka amfani ba . Murmushin karfin hali nayi sannan nai duba ga budurwarnan na ce mata ta fice daga cikin kogon . Shi kuwa katon dana sanya mai wuka a makoshinsa ko kwakkwarar motsi ba yayi , a tunaninsa a kowani loka ci zan iya danna hannuna wukar ya lume cikin maqokwaronsa, . Jansa nakeyi muna tafiya har muka kawo bakin kogon a sannan ne na juya na dubi yan'uwansa, "Lallai kada kuyi gangancin fitowa daga cikin wannan kogon , domin muddin kuka fito kuwa wannan dan'uwankun sai de wani ba shi ba" Na fada cikin gargadi garesu. . Nan suka dakata sai muzurai suke, , Maimakon mu haura saman kwarin ta inda na gangaro wato ta bakin titi, sai muka haura ta dayan gefen inda zai bulla dani gidajen mutane, , Duk wannan tafiyar da mukayi ban yadda ko da wasa na kauce da hannuna daga saman makoshin wannan katon ba. . Muna haurowa saman kwarin sai na bankaje katon , nan take ya fada cikin kwarin da mirgine, . Ban tsaya wani bata lokaci ba na kama hannun wannan budurwar wacce bana iya , ganin fuskarta, muka ci gaba da gudu, . Gudu muke wanda ko waiga bayanmu ma ba mayi, nan wannan budurwar ta yi tuntube da wani gwangwani ta fadi, . Sai a sannan ne na tsaya na lura da wajen da muke, muna wani faffadan filine , wanda ciyayi suka dan tsiro kadan kadan a gefen mu na dama wani babban gidane na kece raini . Gaba daya jikin bangon wannan gida a lillike take da kwayakwayai lantarki, wayanda suka haske kofar gidan, . Hasken kofar gidan ne ma ya dan haska wannan faffadan filin da muke ciki, . Nan na duba a gogon wayata, 2:25, Tun danake ban taba ganin musifa irin wadda naganta a yau ba , . Danai duba izuwa wannan budurwar sai naga ita ma ta mike , . Hasken nan ya haska mani fuskarta, Turus kawai nayi yayin da kaina ya kusa juyewa, . Na dan muntsili hannuna wai ko mafarki nake, tabbas a zahiri ne . Kamar ko yaushe fuskarta sai sheki yake a yayin da wasu siraren hawaye ke gangarowa ta saman kumatunta, Sirara kebbanta sun rine da jan baki, . Ba wata bace face RUFAIDAH Yarinyar dana Zuzuce akanta , Ita ma na fuskanci ta ganeni sabida yanayin da fuskarta ta nuna, , Hau hau hau hau Naji daga gefena ina juyowa nai arba da su, , Wasu murdamurdan karnukane su biyu, jikinsu sur gashi, girman kowani dayansu yakai girman kosashshen rago, baki bude suka nufo mu suna haushi, , Tir kashi anyi gudun gara an......... Inji hausawa , Wai karya ta kare bori taci boka Tobe continue , Its Shuraih 99%

TASKU littafina daya 1 part 5

TASKU
kirkirarren labari
NA Shuraih 99%
Littafi na Daya 1
Part 5
.
.
Wannan shine tambayar dana yiwa zuciyata. , Toh ma mezai dameni koma dai wanene ke wannan kuka babu abinda ya shafeni . "Tai mako jama'a! Babu wani bane yazo ya taimakeni!" Naji wata murya na fadi, ta cikin surkukin kwarin dake gefena, Tabbas wannan muryar mace ce , sannan kuma duk yadda akayi tana cikin wani haline . Ban tsaya wani dogon tunani ba na fada cikin kwarin ina fadawa na cigaba da gangarawa, . Nan na isa cikin wani surkukin ciyayi , toh anan ne Mafarin shigata cikin TASKU ya samo asali . Tabbas da nasan ko menene ke shirin faruwa da ni toh da banyi gangancin kara shiga cikin surkukin ba . Ina wuce ciyayin nan, na iske wani dan kogo, batare da wata fargaba ko tsoro ba na danna kai cikin wannan kogon, . Na kunna tocila na wayana yayin dana kutsa kai cikin kogon , Wannan kogon dai irin ramukannan ne da ake tonawa don neman arziki , Babu komai acikin kogon in banda duwatsu da kuma rairayin ciyayi, , Ina kara gaba na ja tunga nayi turus sakamakon abinda idanuwana suka gane mani . Bakomai nagani ba face wata kyakkyawar budurwa, kwance a kasa, sannan wasu karti, su biyar sun zagayeta, . Biyu daga cikin kartin nan sun rike ma wannan yarinya hannu, yayin da wasu karti biyu suka rirrike mata kafafu , a sannan ne wani kato ke kokarin yi mata fyade , , Ita ko babu abinda take illa ihu da karaji da neman taimako, , Sudai wayannan karti zasu kai shekaru talatin dukkansu, sannan gaba dayansu sun sanya bakaken kayane, jaket ce baka ajikinta anyi mata Ado da wasu duwatsu na karfe , . Yayin da wayannan karti suka ganni cikin wannan kogon , Sai guda daga cikinsu wanda yake kokarin haike ma wannan yarinya ya dubeni sama da kasa sannan yace dani cikin wata murya mai kama dana jaki "Kai dan tsako ,Ka kama gabanka tun kana numfashi " . Koda naji wannan zace nashi sai na juya da niyyar na fice daga cikin wannan kogo , Har na fara tafiya sai naji muryar budurwar tana cemani" Malam dan Allah ka taimaka mani, ka taimakeni kamar yadda Allah ya taimake ka" . Najuyo sannan nayi magana yadda zasu iya jina " kiyi hakuri yar'uwa " . "Yanzu da kanwarka ko wata yar'uwarka kaga za aketa mata mutuncinta ,haka zaka juya ka tafi" Tafada yayin da akarshen maganar tata ta kare da kuka , Ban iya mai da mata da amsa ba sakamakon yadda maganar ya shiga cikin zuciyata . Kawai sai najuya na fice daga cikin kogon , Ina ji tana kirana amma ya zanyi dole ce tasa , domin gaskiya ni ba jarumi bane kuma bana da kirar sadaukantaka a jikina, . Toh koma dae menene ai hausawa nacewa sarkin yawa yafi sarkin karfi , Ayayin danake wannan tunanin ne naji zuciyata ta fara tafasa, ni kaina bansan lokacin dana juya na koma cikin kogon nan ba . Ina zuwa naga wannan katon na kokarin cire mata kaya hakan ne yakara tunzura ni , Nan na nemi wani katon dutse na dauka ina zuwa na sami daidai saitin gadon bayansa , na mai dundu, da wannan dutsen, nan ya kife, , , Koda wayannan karti hudun suka ga abinda nayi wa dan'uwansu sai suka zaburomani tamkar zasu cinyeni danye , Zobe suka yi mani sannann

TASKU littafi na daya 1 part 4

TASKU
kirkirarren labari
daga Shuraih 99%
Littafi na daya 1
Part 4
.
.
Ai bansan lokacin dana saki baki Galala ina kallonta ba .
Koda ta kariso gabanmu saita tsuguna ta gaishemu sannan ta fara magana yayin datake dubana "Kuyi hakuri da abun da nai maku jiya" Bakina na rawa na ce"ai babu komai ," .
"Wallahi jiyannan na rudene sosai shi yasa,kuma na zata Abba zai min fadane shi yasa" ta fadi cikin wata irin murya tamkar bata son fadin maganar,
.
Ta kara dubanmu tace"Sunana Rufaida "
."Sunana shuraih, wannan koh m...."
Mjd ya katseni yayin daya ke fadin "malam barni na sanar da'ita sunana, "
Dariya kawai mukayi yayin daya cigaba"wai nine zai min lamuni,toh Allah yasa ina da baki "
Nanma murmushi kawai tayi, "Mujahid ko kice mjd sunan kenan"
.
Na dan harereshi nace"sai kuma akace ka fadamana nickname ko" .
*******************
Bayan mun yi musayar nombobi nida ita sabida zumunci, daga nan muka rankaya zuwa gidanmu ,sabida cikinmu dake kiran ciroma.
.
Zaune muke muna cin abinci nida mjd anan ne yake sanar dani wani wajen bikin Sallah da zamuje da la'asar wai shi minki,
.
***************
Muna isa bakin get din muka nausa kai ciki sakamakon get din dake bude, anan muka sami wajen parking muka paka motan
.
Samarine da 'yan mata ke ta zirga zirga a cikin wajen ,yayin da wasu yanmata wayanda suke tare da samarinsu, zaka gansu tare suna hira.
.
Yaune zuwana na farko wannan waje ,dun haka sai na nufi bayan wani bishiya domin na dan huta ,
Wani makeken bencine dakure akusa da jikin bishiyar, saman bencin na dane,
Mjd kuwa muna shigowa cikin wajen naga ya nufi wajen wata yarinya daga nan suka ci gaba da tadin su,
.
Daga wajen danake zaune ina hangen samari da yanmata dake zirzirga a wajen ,wasu gungun samarine da yanmata naga sunyi da'ira a wani kebabban waje, daga inda nake zaune ina iya sauraron sautin gular dake tashi,
.
Na tashi daga inda nake zaune na nufi wajen, koda na isa sai naga ashema yan'mata ne da samari keta gwargwazon rawarsu, sai tika rawa ake, ayayin da Dj ya saki kidan Ado gwanja na asha ruwa .
****************
Kwata-kwata. Wajen ya gundureni ,zaman wajen ya fita min arai,
Nan naje wajen dana bar mjd tare da budurwarsa suna zance,
Koda na isa wajen ban samesu ba na duba sama da kasa gaba daya cikin minki ban samesu ba.
. Dana kira wayarsa ne yake sanarmani shi yanzu haka fa babansa ya kirasa, kuma ya nemeni mu tafi bai ganni ba, . karfe 11:24pm agogon wayana ya nuna mini, nan take na fito bakin titi ina neman acaba, duk da nasan da wuya na samu acaba saboda dare da yayi, . Nafi minti talatin ina tsaye a bakin titin amma ko alamar acaba ban gani ba,duk da wani sa'in mashina da motoci sukan wuce jefi jefi, . Nan na yanke shawarar na taka saiyadata har Allah yasa na sami dan acaba, , Nayi tafiya mai nisa sosai har na fara gajiya, a sannan ne na iso angwan lambu,daidai gaban gidan rediyon N B S ,na sami wani dakali na dan zauna don in huta daga nan na cigaba da tafiya, Baccin na hutane na cigaba da tafiya, har na iso wani waje dana duba agogon wayata 1:54 Am Na danyi tafiya kadan kenan sai naji hayaniyar mutane, sama sama dana dan kara gaba ne na fahimci kamar shishshikar kuka ne ke fitowa ta cikin wani sunkuru, Karkaji nace sunkuru ka dauka ko acikin dokar daji nake, a bakin titi nake wani wawakeken kwari ne dogo tamkar kwalbet, shimfide a gefen titin Shi wannan kwari hanyar ruwane idan ana ruwan sama ta ciki yake bi yai wuce warsa, kwarin din cike yake da ciyayi, sannan a saman kwarin gidajene da kuma gidan giya, Dana dan lura da kyau na kasa kunne sai naji shishshikar kukan na fitowane ta wani restaurant, restaurant din yana saman kwarin ne, . Shishshikar kukan ya cigaba da kara hauhawa, nan da nan na fahimci muryar mace ce, . Toh shin wacece ke kuka acikin wannan tsohon daren . Kubiyoni a part 5

TASKU littafi na daya 1 part 3

TASKU
kirkirarren labari
daga Shuraih 99%
Littafi na Daya 1
Part 3
.
.
"Amma Fa daga ninta kaga yar babban gida, " cewar mjd
.
"Ba yar babbar gida ba koma meye sai , amininmu ya shawo kanta" anas yafada yana kallona , yana dariya
.
Na dubesu a tsanake nace "koma dai menene gobe zamu ga gidansu ai" .
**************
Ina Kwance nake bisa kan katifata , idanuwana radau suna kallon katakon silif(batre)
A sannan ne A gogon bangon dake rataye a jikin bangon dakina ya nuna karfe 1:00AM, na dare,
.
Wannan ne ya tunasar dani daga nannauyan tunanin dana fada,
.
Yanzu haka wajen awanni biyu kenan da tafiyan su mjd da Anas
Tun daga lokacin nake ta Allah Allah barci ya daukeni Amma ina dana runtse idanuwana sai fuskarta ta bayyana yayin da siraran lebbanta ke furta kalamai tamkar bazasu furta ba
.
Naso ace na baiyana mata sakon zuciyata ,
Naso ace Na san sunanta
Naso ace nasan gidansu
.
Duk wayannan ban damu dasu sosai ba saboda nasan gobe duka zan sansu amma ,abin dana damu da shi sosai shine, shin zata karbi kokon barana,
Shin zata amince dani a matsayin masoyinta
Shin zata yadda nazama abokin rayuwarta
.
Da irin wayannan tunanin ne har karfe biyu yayi a sannan ne wani nannauyan barci ya ziyarci idanuwana .
***************
Bani da farkawa ba sai wajejen 7 bakwai na safe,
A sannan ne na tashi na nayi wanka sannan nayi kalaci(break) da shike yau Take RANAR SALLAH
.
Wata shadda tace fara mai daukar idanu Na sanya sannan na sanya hula zanna bukar fara sol amma tuntunta bakine sidik.
.
Sai kiran nomban mjd nake amma taki shiga ,
.
Dadai na gaji da kirar sai na fito daga gida , nan na tare dan acaba, nai mai kwatancen wajenda zai kaini,
.
Saukana keda wuya na nufi wajen bakaniken ,
Ina zuwa na tarar dashi yana gyara wata mota, nai mai sallama, sannan nace mai "Dafatan ka idar da gyaran"
.
"Sai oga an idar ko tuntuni"
"Da kyau ai hakan yayi"
Daga nan na shiga cikin motar na tashe ta sannan na hau kwalta,
.
Daidai lokacin dana faka a kofar gidansu mjd , daidai lokacin shi kuma ya fito Yana sanye da shadda shima farace amma bai sanya hula ba,
Sai wata kalar aski daya yi mai taken dakalin shedan(punk)
.
Yana ganina yazo muka tafa sannan yace dani" baba ai nasan sai ka rigeni isa wajen bakaninkennan "
'
"A'a nai ta kiran wayarka amma ban sameka ba shiyasa kawai naje na dauko"
.
"Oh shit wayan tana hannun kanwata wallahi, amma no problem, muje kawai"
Ya bude gidan gaba na mai zaman banza ya shige,
"Ina muka nufa" nafada yayin da nima nake kokarin shigowa cikin motar,
"Masallaci mana"
"Ok" kawai na fada sannan na tashi motar muka nausa
*************
Hon na rangada a bakin get din gidan sannan wani tsakurarren mai gadi ya fito hannunsa rike da kulki , sai da yazo daf da motar ya kare mata kallo sannan ya je ya bude get din
.
Awan mu biyu kenan da tashi daga masallacin idi,
A sannan ne muka rankayo izuwa adress din data bamu,
.
Tabbas gidan ya hadu ba laifi muka nufi wajen parking
.
Bayan mun parking motar mun fito mun tsaya,
.
"Toh sai mu shiga koh yallabai" mjd ya fada yayin daya fara tafiya yana dumfarar kofar da zata sada shi cikin gidan,
Nan nima na mara mishi baya
.
Maigadin ne yai mana iso cikin rantsastsen falon maigidan,
Muna zama shima ya fito ya dubemu sannan muka gaisa,
Bayan mun gaisa ne yake tambayarmu " ko kune rufaida tace mani zaku kawo mani mota"
.
"Kwarai kuwa mune nan baba" Mjd yabashi amsa "Kuyi hakuri da abin daya faru jiya"
.
"Babu komai baba ai komai mukaddarine daga Allah,"
.
"Ni kaina saida nayi mata fada akan irin abun datai maku da tace sai kun gyara motar"
.
"Samsam,karka damu da wannan ai komai ya riga ya wuce" Sai hira suke shida anas Ni ko sainaji wata sanyi acikin raina sakamakon jin sunanta danayi RUFAIDA na sake maimaita sunan a cikin zuciyata,
Nan na shiga rarraba idanuwa ko zanga ci sa'a na ganta, domin so nake na sake ganin kyakyawar fuskarnan tata,
.
Har muka idar da magana da mahaifinta wanda bai sanar damu sunansa ba
Muka fito daga cikin falon sannan muka durfafi kofan da zata sadamu da farfajiyar gidan
.
.
"Sannunku da zuwa" naji i muryar da bazan taba manceta ba acikin rayuwata, tana fadi ta bayana
Juyowar da mukayi ne mukai arba da,ita kamar kullum yauma tana cikin wani dogon rigane harkasa sannan ta yafa wani gyale wanda yai matukar dacewa da kalan rigan jikintan,
.
Ai bansan lokacin dana saki baki Galala ina kallonta ba . Tobe conti

TASKU littafi na daya 1 part 2

TASKU
kirkirarren labari
daga Shuraih 99%
Littafi na Daya 1
Part 2
.
.
Nan ta fara magana tamkar bazata yi ba, ni kuwa babu abin danake sai kallon siraran lebbanta wayanda suka rinu da janbaki,
Wanda hakan ba karamin kyau ya kara masu ba ,
.
Chochulate color ce, doguwa wanda har taso ma ta fini tsayi, duk dana kasance ina da tsayi tamkar bishiyar kwakwa
.
Fuskarta faffadane , idanuwanta dara dara madaidaita, wayanda suka kara fitar da siffar kyauwun fuskar tata,
.
Ma tsakaicin karan hancinta wanda ya taimaka wajen fidda siraran lebbanta,
.
kai mai karatu duk yadda naso na baiyana maka ita saidai na fada amma tafi haka
.
Tana sanye ne da doguwar riga mai hade dankwali yayin data yafa gyalenta, a kafada ,
.
"Kai malam kaduba irin asarar da ka jamini kuma wannan motar batawa bace ta abbata ce , sai magana na ke tayi da kai amma kai sam hankalinka baya tare gareni" na tsinkayi daddadan sautin muryarta cikin kunnena ,
.
.
"Ehhhm ehhm, maganar ma ta gagareni furtawa sai in ina na ke"
.
Na dube ta dakyau sai naga wasu siraran hawaye suna zarya akan kyakyawar fuskannan tata,
.
"Kiyi hakuri , wannan duk laifina ne " na ji muryar mjd na fadin haka dana duba sai na ganshi a gefena ashe ma ya kariso ni bansaniba
.
"Ni babu abin daya shafeni ko laifin wanene cikinku nidai damuwata a gyaran motata ,"
.
Ta fada cikin murya mai ban tausayi, ai tunima na manta da wani abu waishi yunwa.
muryarta kadai inzan ringa saurara toh ya isa ya gusar min da dukkan wani bacin raina ,
.
"Ok toh indai wannan ne baki da damuwa , yanzu ki shiga cikin motar mu je gun bakanikai na tabbata yanzu dai basu tashi ba" Inji mjd yayin daya ke dubana
"Kwarai kuwa "nace dashi amma fuskana na duban fuskarta ita kuma tunda tai mani kallo daya ta kau da kanta , ga barin kallona
.
¤¤¤¤¤¤¤¤¤¤¤¤. ¤¤¤¤¤¤¤. ¤
Cikin wasu mintuna kalilan muka isa wajen bakaniken wanda yake zama a hayin waziri,
Nan dai ya ca jemu wasu kudade, mjd ya ciro ya biya ita kuma ta wuce gida , amma kafin ta wuce ta bamu Address din gidansu akan idan angyara mukai mata motar.
.
Hakan ba karamin dadi yai mini ba ,
Muna isa angwa nida mjd na fito na shige gida zuciyata cike da tunane tunane
**********************
Ina kwance a cikin daki fuskata yana kallon saman silif, zaka rantse da Allah cewa slif din nake kallo, toh Amma hankalina ya tafine ga tunano, wannan sirirriyar sautin muryar wadda da kuma wannan fuskar da bazata taba goguwa cikin idanuwana ba
.
"Shuraih! Shuraih!! Shuraih!!!" Naji mruyar anas tsulum, nan na mike ina mai dubansa ,cikin mamaki
.
Bawai mamakin ganinsa nake ba a'a yadda akayi har ya shigo cikin dakin bansani ba alhalin ba bacci nakeba.
"Nayi sallama yafi baki goma amma kaki ka amsa mini" na tsinci muryarsa na mai fada mani,
"Kayi hakuri wallahi wani tunanine nake"
.
"Tunanin me"
.
"Tunaninta kake koh" naji muryar mjd , wai ashema tare suke da anas ,
Sam ban farga cewa yana cikin dakin ba sai daya fadi haka tukun
"Wacece ita" anas ya fada yayin daya ke duban mjd,
"Wata beuty ce muka ja mata asara, yau "
Nan ya labarta masa yadda mukai da ita
.
Ni dai sai jinsu kawai nake
Mjd yadan dukeni sannan yace"amma fa 99% kayi dace dun gaskiya yarinyar she is pretty,sai dai zakayi fama da'ita"
.
"Wani fama kuma zan da ita"
Na tambayeshi
.
"Zakayi fama da kuka mayena,dun yarinyar saurin kuka gareta sai kace wata ....."
.bai karisa maganar ba na kaimai dukan wasa,
Nan muka dara
.
.
Wannan labari Goron Sallah ne ga
dukkan Masoyana gaba ki daya
Hop kunyi Sallah lfy
Toh Allah ya maimaita mana
.
Ku biyoni zuwa par 3

TASKU littafi na daya 1 part 1

TASKU
kirkirarren labari
daga Shuraih 99%
Littafi na Daya 1
Part 1
.
Zaune nake a kofar gidanmu na lankwame kai, kai kace wani sabon uztass ne
Sa'I sa'I nakan kalli danfareren titin dake gabana, da shike gidanmun a bakin titi yake
.
Wani karamin yarone yazo zai tsallaka titin, daidai zai tsallaka kenan sai ga wata mota kirar peugeut, karama ta sulalo titin ,
.
Daganin wannan mota kasan bata da niyayyar sassauta gudun data ke antoyawa,
Nan da nan jama'a suka maida hankalinsu ga wannan mota, shi ko wannan yaro ko da yaga mota ta dumfaro wannan titin gadan gadan, sai ya tsorata ya fada cikin kwalbet .
Sai daya zo daf da inda nake zaune baki bude ko kwakwaran motsi bana iyayi .
Sannan ya taka birki, nan motar ta bada wata sauti kuuuttt, sannan taci taya akan titin ,
Tsayuwar motar keda wuya sai kofar gidan direba ta bude ,
Tsinin takalmin sane ta fara fitowa sannan shi, yana sanye da karamar riga t-shit a gaban rigar an rubuta da manyar haruffa, MY MONEY GROW LIKE GRASS
Jeans ne ajikinsa sai kafarsa kuwa tsokale duniya ce acikinsa, ,
Duba daya naimai sannan nadan yi wata murmushi wadda tafi kama da yake,
"Baba kunajin dadinku fa" yafada lokacin daya miko mani hannu muka tafa ,
"Amma kana karin magana ne koh, ae ko makaho yazo ya lalubani ya lalubaka toh wallahi sai yaji banbanci" na ce dashi yayin dana matsa mashi ya zauna kusa dani.
.
Na san yazone kawai ya tayani hira daga nan yai wucewarsa
"99% da alamu azumin yau na baka jiki" .
"Kaman kasani, mjd shiyasa ma na dan fito nan ko zanji dan iska iska"
.
"Maza kazo yanzu muje yawan shan iska"
.
"Allah yasa yawon shan iskokai ne" namai gatse, dun shi mjd arayuwarsa babu abinda ke birgesa sama da yadau wanka ,sannan ya fito yai ta yawo da mota a gari,
.
"Maza damuwana da kai kenan haryanzu baka wayeba"
.
"Toh sannu wayayyu,"
.
Nan dai yata lallabani har Allah ya daura shi akaina na amince masa.
.
Na daga cikin abun daya sa na amince masa don yau kwata kwata jinake tamkar bani bane, tunda aka shiga watan ramadan wata mai albarka,watan da ake gafartawa masu rabo zunbansu, .
ban taba shan wuya naji najaki kamar Azumin yau ba,
. Wani sa'in ma bana sahur,amma haka zakaga nakai azumina batare da wani mishkila ba amma wai sai gashi yau datake ranar da za'mu idar da Azumin wato ranar jajibiri,
shine azumi ke azabtar dani
.
Abinma da zai sake baka mamaki shine yau, bakaramin lodi nayi ba wajen sahur, don sai danaji nakasa tashi daga zaunen danake sannan nabar tusa abincin izuwa cikina.
.
Tabbas naji ba dadi kwarai shi yasa ma na amince ma mjd muka rankaya izuwa cikin Gari
.
.
Sai sulala gudu mjd keyi tamkar zamu tashi a sama .
"Kagani malam muddin bazaka rage gudu ba toh ka tsaya na sauka"
Na fada yayin dana murtuke fuskata .
Koda ya kalleni yaga babu alamar wasa a fuskata, sai yayi yar dariya sannan yace"kace dai kana tsoro kar na rage ma farashi a wajen yan'mata" .
"Koma dai menene kace lokacinkane ko kuma nace laifinane dana shiga motarka"
.
KwakkwassssSssss!!!!, muka ji wata sauti ta fito daga gabanmu,
"Subhanallahi"
shine kawai abin dana samu damar furtawa .
Ashe dai bamu sani ba a lokacin da muke magana , akwai wata farar mota a gabanmu kirar audi, toh itace muka ci karo da ita.
Wannan karar kuwa karar rugurgujewar fitilar baya na motar ne da kuma signa na ta. .
"Subhanallahi" shine kawai abin dana furta sannan na bude kofar motar na fita dun naga asarar da muka tafka
.
Ina fita wani daddadan kamshin turare ya ziyarci hancina, ,sai dana lura da kyau sai naga tamkar shacin mutum agefena,
.
Tsarki ya tabbata ga Allah madaukakin sarki daya halicci wannan aba , kai kace aljana ce,
,
Ta durkusa a gefen motan tana kuka harda shishsheka, ganina datayi na fito ne yasata mikewa , ta fuskance ni.
Ai anan ne ma naga ashe ni na mata kallon nisa ne
sai yanzu data ke gabana ne na kare mata kallo tsaf .
.
Wannan labari Goron Sallah ne ga
dukkan Masoyana gaba ki daya
Hop kunyi Sallah lfy
Toh Allah ya maimaita mana
.
Ku biyoni zuwa par 2

MAZAN KO MATAN part 5 karshe




MAZAN KO MATAN
Rubutun Shuraih Usman
@shuraih 99%
Part 5
KARSHE

Cikin matukar razana da daburcewa ta ce
"Bakina kaman yaya?"
Tayi maganar tana mai kare masu kallo sama da kasa
.
Mu biyarne tsaye a gabanta, yayinda ni da mujahid muke gaba gaba
,
Na lura da yadda safiyya ta tsorata sosai,
Bisa ganin mutanen ukun dake bayanmu
,
Kattine majiya karfi, kowannensu ya hakimce hannuwansa, sai muzurai suke tamkar saci babu,
Ransu a bace tamkar wayanda aka aiko masu da sakon mutuwa,
,
Kallo daya zakai masu ka gane ko su waye, sakamakon kayan dake jikinsu,
Na lura tunda muka iso angwan jama'a ke binmu da ido ,
Suna sanyene da dogon wandon uniform nasu da kuma riga mai gajeran hannu, a kafadun rigan akwai wasu kore koren layuka,
Sun saka hullana kafiya naci, wacce take dauke da tambarinsu na bindigu guda biyu, an rubutta VIGILANTEE gROuP OF NIGERIA a kasan tambarin
,
Nai murmushi sakamakon ganin yadda cikin kankanin lokaci har safiyya ta razana da ganinsu,
Na fara magana bayan dana sauke ajiyan zuciya
"Wato ainahin safiyya kinsan hausawa sukace ranar wanka ba a boyen cibi, "
Ta kankance kai cikin rashin gane inda maganata ta dosa
,
Koda mujahid yaga na kamo wata hanyar wacce ba haka mu ka tsara ba sai yai maza ya amshe maganar
"Malam ba zakai mata bayani ba ko, so kake yanzu nasa su GAJIMARE sui ta labtarka"
,
"Safiyya dama wayan dana baki jiya ba wayata bace, wayan abokina ne, na dai shirga maki karyane kawai, don ki kulani, Tun jiyan yake nemana na bashi wayansa, sai dazu muka hadu, shine dana fada masa wayan ta bace yanuna shi sam bai san wannan zance ba, shi isa ya hadani da vigilantee ni kuma ayanzu gaskiya bani da kudin da zan iya biyansa, shi yasa nace da su muzo wajenki tunda ke ce ki ka salwantar da wayar, "
Nayi shiru ina mai saddar da kaina kas
,
"Yo kai shuraih haka mukai dake "
Cikin mamaki na dago kaina mukai ido hudu da ita "nace haka mukai dakai" ta sake tambayata
,
Nai kasake nama rasa amsan da zan bata
Ta dubi mujahid tace mai "malam kaine mai wayar"
"Eh nine" ya bata amsa yana wani shan kunu
"Dun Allah kaji mani maganar nan, jiya fa yazo wajena da waya a hannunsa na karbe wayar ina danne danne, saboda da doki ya tafi ya manta da wayan a wajena,
Da sanyin safiya sai gashi ya zo wajena in bashi waya, na lallaba na bashi hakuri nace mai ya dawo an jima ya karba saboda akwai wakokin dana ke son turawa wayata,! Toh kaji yadda mukai amma yanzu kuma ya kwaso min ku, toh mai zam maku ni?"
.
Ta karashe maganar tana ware hannayenta
Tsaban mamaki ma sakin baki nayi gala lala ina kallonta sakamakon jin abunda ta fada, lallaima yarinyarnan ta cika yar rainin hankali na fadi haka a zuciyata
.
Mujahid ya jinjina kai yace "ince dai wayar din tana nan"
"Eh tana ma cahji yanzu" ta bashi amsa
Mujahdi ya dubeni sannan ya dubeta yace
"Dauko min wayar din toh"
Ta juya ta shige cikin gidan
,
Shigewanta gida keda wuya mujahid ya fashe da dariya ni kaina me zanyi inba dariyan ba,
Sai da mukayi mai isanmu sannan nce"kai mj amma ka kawo shawarafa, yanzu badon kaiba da shikenan, yarinyarnan ta cimin waya kenan"
,
"Hmm ai na fadamaka mata saide ka barsu kawai, don sun wuce tunaninka yanzu duba kaga yadda ta kare kanta, wai ita batace an sata ba"
"Barta kawai bari ta kawo wayan yau MAZAN KO MATAN"
Nai kwafa ,
Karar Kiciniyar bude kofa da mukaji shi ya ankarardamu tana zuwa hakan yasa muka tsuke bakinmu mukai shiru,
Mujahid ya bata ransa in ka gansa kamar ba shi bane mintukan da suka wuce ya runga dariya har da buga kafa ba
,
Ni kuwa dama fuskarnan tawa tafi kamaa da na tausayi,
Safiyya ta fito wayan na rike a hannunta, na dama
Ta mika ma wa mujahid wayan, ya karba yadan dudduba sannan ya miko mani,
Cikin zumudi na karba a nan take yanayina ya canza, na dudduba wayan gaba da baya sama da kasa gefe da gefe naga babu abunda aka cire a ciki, daga nan sai na kunna wayar na shiga camera, na ware murya nace ma mujahid selfie na daga wayar sama yan bangan bayana suka washe baki, mujahid kuma yai murmushi, nima dai murmushin nayi kafin na capta mana selfie din,,
.
Cikin mamaki baki bude safiyya take kallonmu yayinda muke antaya selfie,
Na dubeta bayan dana zura wayar din cikin aljihuna, fuskata na dauke da murmushi "malama safiyya, wai da wani suna ya kamata na kirakine ,MAI WAYO,YAR RAININ HANKALI ko kuma BARAUNIYA"
Ta dubeni cikin tantama "kaman yaya ban gane nufin kaba"
Na dubi mujahid nace "mj kaji wai bata gane ba dun Allah taimaka ka ganar da ita"
,
Mujahid yai murmushi yace "malama BARAUNIYA, toh ai wayansa ne, kawai dai plan muka hada maki, YAR RAININ HANKALI, wai ita MAI WAYO har da......"
Tun kafin mujahid ya karisa maganarsa ta juya da gudu ta shige gida, ta banko kofan gidan
.
Mun dan jima a tsaye a kofan gidan muna sharara dariya, kafin muyi tafiyanmu
Bayan mun sallami yan bangan da dari biyar
,
Tafiya nai na samu dangado na bashi wayansa a inda ya hauni da masifa ta inda yake sgiga bata nan yake fita ba,
,
......
Yammaci ne mai dauke da ni'ima , domin tarin ababen kayatuwar da suka lullube yammacin, garin ya danyi duhu alamun hadari a yayin da iska mara karfi mai matukar dadi ke yawo a cikin yammacin,
,
Mutane da dama sun dan tsorata da wannan hadarin har ta kai sun fara gudu domin isa masaukinsu,
Cikinsu har dani dana fito gangaren tudu wajen sahibata sadiya, inda muka sha hira sosai tamkar kar mu rabu da juna
,
Sa'I sa'I nakan kalli hannuna mai dauke da wani koren zobe nayi murmushi,
Bawai hannunan bane ke sanya ni murmushi a'a Zoben dake sakale a dan yatsana shike sanyani nishadi har murmushin yake fita batare dana sani ba, zoben da masoyiyata kuma abar kaunata sadiya ta sanya mani yau,
A hakan na runga murmushi har na iso Gida,
Ina Tunanin yadda na hadu da sadiya,
Da farkon haduwana da ita,
Koda na tuna sanadiyar haduwata da ita sai na tsinci kaina ina mai fashewa da dariya,
"Ba'asamu safiyya yar karya ba an samu, sadiya sanadiyar karya?" Na furta a fili
.
.
Alhamdulillah
Anan na kawo karshen wannan gajeran labarin na wa,
Dafatan ya nishadantar
,
MAZAN KO MATAN
Shuraih Usman
********************
,
Zaku jini a cikin tsohon littafina mai taken
A RANAR SALLAH
Nan bada jimawa ba
,
Nidinne dai Shuraih Usman
Inkiya 99%

MAZAN KO MATAN part 4

Duk da cewa na san ta Gane ni amma sai na matse nayi tamkar ba nine jiya muka hadu ba
Na matso kusa da ita fuskata na kallon kasa cikin boye murya nace
"Dan bani hanya yan mata"
Batare da musu ko gardama ba ta matsa mani na wuce,
Zuciyata sai bugawa take ina tunanin shin bata ganeni ba kuwa,
Wata zuciyar tace ai data ganeka da iyanzu baka kawo nan ba,
,
Daidai ina shirin ficewa daga gidanmu naji muryanta tana kiran suna na
Duk da banso na tsaya ba amma sai na tsinci kaina ina mai tsayawa
,
Cikin takunta na rangwada fuskarta a bace ta tako wajena,
"Yan mata naji kaman kin kirayi sunana"
"A,a ni ba sunanka na kiraba, this property is not for sale nace"ta bani amsa
Zuciyata ce tai dumm nan take naji kunya ta lullubeni,
Nai karfin hali cikin borin kunya nace
"Dun Allah sadiya ki hakuri da karyan dana shirshirga maku jiya, dun Allah kar ki fadawa wa umma na"
,
Tai murmushi wanda ya bayyana kyawawan hakoranta kafin tace
"Hmm shuraih kenan, shin an gaya maka ni karamar yarinyace, ko ce maka akai ni ban sanka ba, ai tun da dadewa na sanka kuma har wajen kanikancinku na sani, kai ne dai nake tunanin baka waye ni ba, sai gashi jiya kai fakare kanata shirgawa kawayena karya"
,
Na saki baki galala ina kallonta da mamaki
Nace "yo amma mei yasa tun jiyan baki tonan asiri ba"
Tai murmushi kafin tace
"SO, "
Na jaddada kalman a zuciyata SO kuma
Tamkar taji abun dana fada a zuciyata
"Eh shuraih , tun ba yau ba ziciyata ta kamu da tsananin sonka, hakan yasa na dunga bibiyan al'amarinka,a kowacce rana sai na tafi wajen aikinku domin kawai naga fuskarka, da sonka nake kwana da shi nake tashi, saide na rasa ta yadda zan sanar maka,
Cikin sa'a sai gashi jiya Allah ya wullo ka gareni, naji dadi sosai daka yaba ni, duk da cewa a jiyan tafarkin daka kama na karyace, sam ban ga laifinka ba, domin da bakai hakaba toh kawayena ma ba za su tsaya ba bare har takaisu ga sauraranka, ina Sonka Shuraih, ina sonka"
,
Sam ban gaskata abun da kunne na suka jiyemun ba don na fi daukan hakan ga rudana da kunne na suke mani
Wai tayama za'ace ni da nake m.......
"Ina sauraronka shuraih, shin kana sona kuwa"
Sadiya ta katse mani zancen zucina da fadin haka
,
********************
Ta fiya nake kaina a kasa ina tunanin abubuwan da suka faru dani cikin dan kankanin lokaci haka
,
Shakka babu wannan rana ta zo mani da sa'a
Duba da yadda lokuta kankani da suka wuce
Kyakkyawa kuma dirarriyar budurwa ta furta cewa ni take so,
,
Yanzu kam ko tunanin safiyya bana yi
Har ga Allah naji darsuwan Son sadiya a zuciyata
Duk da cewa bata kai safiyya komai ba, amma itama Allah ya azurtata da kyakkyawan sura dadai gwargado
,
"99%! 99% !! 99!!!"
Tamkar daga sama naji ana kwala min kira
Na gane muryan mai kiran
Ya karaso ya bani hannu muka tafa
Mujahid ne yana sanye cikin farar riga mara hannu, a gabanta an rubuta FILA da manyan baki, sai bakar jeans mai aljuhu biyu a kaurinta (two pocket)
Yaci zanzaro sai kace wani tsohon hedimaster,
" mj ya akai ne"
"Dai dai wallhi kasan meye?"
Ya tambayeni
"A'a"
"To Dangado fa yana ta nemanka don yanzu na hadu da shi, malam ranshi ya baci,ya tambayeni kai nace mai ban ganka ba,"
Nayi murmushi kafin nace
"Dan Allah kyaleshi"
"Wai me ya hadaku da shine" mujahid ya tambayeni
Ban boyemai komai ba na fede mai biri har wutsiya dan gane da abun daya faru da wayan dangado,
Mujahid ya fashe da dariya bayan daya gama sauraran labarin,
,
Dariyarsa bata bani haushi ba don mun ruga da mun saba haka da shi
"Kai amma 99% yarinyar nan ta raina maka hankali wallahi"
Na dubeshi cikin rashin fahimtar yanda zancen nashi ya nufa
"To wani rainin hankali ne taimun "
Na tambayeshi
"Ta boye waya tace maka an sata kai kuma ka yarda, wallahi ni banga ranan da zaka wayeba 99%, ga ka dai kaman wayayye"
Kirjina yaba dumm sakamakon jin abunda mujahid ya fada
Na dubeshi nace "to kai ya akai kasan cewa ta boyene"
Ya sake fashewa da dariya akaro na biyu
Wannan karon kam ya bani haushi, naja tsaki nace "kaga malam tambayrka nake fa "
"Yo kai 99% sai kace kwakwalwanka bayaja, haba, tayaya za'a ce barayi sun shiga gidan Alhaji Kawu sunyi sata anma mutanen angwa basu ji labari ba har yanzu, ai kaima kasan inda da gaskene har Gidan rediyon N B S sai sun san da labarinnan "
Na jinjina maganarsa kafin nace "tabbas maganarka abar dubawa ce, amma yanzu yaya zamuyi mu amshe wayar din a wajenta"
Yayi murmushi yace
"Ai maganin biri karen maguzawa,allah na tuba mu yanzu har wata tayi mana wasa da hankali, ka ganni nan Na mijine ni, nasan mata sosai duk wani takunsu a kaina yake, dun haka zo kaji"
Na matso kusa da shi ya kitsamin
********************
Kofan tangamemen gidan ne ya bude
A yayinda kyakkyawar budurwan ta fito daga ciki ba wata bace face safiyya tana sanye da rigan kanti da wando ta yafa wani dan bingilallen gale iya kirjinta,
Turus tayi tana kallonmu cikin razana
Yayinda bakinta yafara rawa "shuri-shur-shuraihu me a faru"
Nai murmushin mugunta kafin nace
Bakinki ne safiyya
.
Mu hadu a part na gaba
,
Toh wasu baki kenan

MAZAN KO MATAN part 4

Duk da cewa na san ta Gane ni amma sai na matse nayi tamkar ba nine jiya muka hadu ba
Na matso kusa da ita fuskata na kallon kasa cikin boye murya nace
"Dan bani hanya yan mata"
Batare da musu ko gardama ba ta matsa mani na wuce,
Zuciyata sai bugawa take ina tunanin shin bata ganeni ba kuwa,
Wata zuciyar tace ai data ganeka da iyanzu baka kawo nan ba,
,
Daidai ina shirin ficewa daga gidanmu naji muryanta tana kiran suna na
Duk da banso na tsaya ba amma sai na tsinci kaina ina mai tsayawa
,
Cikin takunta na rangwada fuskarta a bace ta tako wajena,
"Yan mata naji kaman kin kirayi sunana"
"A,a ni ba sunanka na kiraba, this property is not for sale nace"ta bani amsa
Zuciyata ce tai dumm nan take naji kunya ta lullubeni,
Nai karfin hali cikin borin kunya nace
"Dun Allah sadiya ki hakuri da karyan dana shirshirga maku jiya, dun Allah kar ki fadawa wa umma na"
,
Tai murmushi wanda ya bayyana kyawawan hakoranta kafin tace
"Hmm shuraih kenan, shin an gaya maka ni karamar yarinyace, ko ce maka akai ni ban sanka ba, ai tun da dadewa na sanka kuma har wajen kanikancinku na sani, kai ne dai nake tunanin baka waye ni ba, sai gashi jiya kai fakare kanata shirgawa kawayena karya"
,
Na saki baki galala ina kallonta da mamaki
Nace "yo amma mei yasa tun jiyan baki tonan asiri ba"
Tai murmushi kafin tace
"SO, "
Na jaddada kalman a zuciyata SO kuma
Tamkar taji abun dana fada a zuciyata
"Eh shuraih , tun ba yau ba ziciyata ta kamu da tsananin sonka, hakan yasa na dunga bibiyan al'amarinka,a kowacce rana sai na tafi wajen aikinku domin kawai naga fuskarka, da sonka nake kwana da shi nake tashi, saide na rasa ta yadda zan sanar maka,
Cikin sa'a sai gashi jiya Allah ya wullo ka gareni, naji dadi sosai daka yaba ni, duk da cewa a jiyan tafarkin daka kama na karyace, sam ban ga laifinka ba, domin da bakai hakaba toh kawayena ma ba za su tsaya ba bare har takaisu ga sauraranka, ina Sonka Shuraih, ina sonka"
,
Sam ban gaskata abun da kunne na suka jiyemun ba don na fi daukan hakan ga rudana da kunne na suke mani
Wai tayama za'ace ni da nake m.......
"Ina sauraronka shuraih, shin kana sona kuwa"
Sadiya ta katse mani zancen zucina da fadin haka
,
********************
Ta fiya nake kaina a kasa ina tunanin abubuwan da suka faru dani cikin dan kankanin lokaci haka
,
Shakka babu wannan rana ta zo mani da sa'a
Duba da yadda lokuta kankani da suka wuce
Kyakkyawa kuma dirarriyar budurwa ta furta cewa ni take so,
,
Yanzu kam ko tunanin safiyya bana yi
Har ga Allah naji darsuwan Son sadiya a zuciyata
Duk da cewa bata kai safiyya komai ba, amma itama Allah ya azurtata da kyakkyawan sura dadai gwargado
,
"99%! 99% !! 99!!!"
Tamkar daga sama naji ana kwala min kira
Na gane muryan mai kiran
Ya karaso ya bani hannu muka tafa
Mujahid ne yana sanye cikin farar riga mara hannu, a gabanta an rubuta FILA da manyan baki, sai bakar jeans mai aljuhu biyu a kaurinta (two pocket)
Yaci zanzaro sai kace wani tsohon hedimaster,
" mj ya akai ne"
"Dai dai wallhi kasan meye?"
Ya tambayeni
"A'a"
"To Dangado fa yana ta nemanka don yanzu na hadu da shi, malam ranshi ya baci,ya tambayeni kai nace mai ban ganka ba,"
Nayi murmushi kafin nace
"Dan Allah kyaleshi"
"Wai me ya hadaku da shine" mujahid ya tambayeni
Ban boyemai komai ba na fede mai biri har wutsiya dan gane da abun daya faru da wayan dangado,
Mujahid ya fashe da dariya bayan daya gama sauraran labarin,
,
Dariyarsa bata bani haushi ba don mun ruga da mun saba haka da shi
"Kai amma 99% yarinyar nan ta raina maka hankali wallahi"
Na dubeshi cikin rashin fahimtar yanda zancen nashi ya nufa
"To wani rainin hankali ne taimun "
Na tambayeshi
"Ta boye waya tace maka an sata kai kuma ka yarda, wallahi ni banga ranan da zaka wayeba 99%, ga ka dai kaman wayayye"
Kirjina yaba dumm sakamakon jin abunda mujahid ya fada
Na dubeshi nace "to kai ya akai kasan cewa ta boyene"
Ya sake fashewa da dariya akaro na biyu
Wannan karon kam ya bani haushi, naja tsaki nace "kaga malam tambayrka nake fa "
"Yo kai 99% sai kace kwakwalwanka bayaja, haba, tayaya za'a ce barayi sun shiga gidan Alhaji Kawu sunyi sata anma mutanen angwa basu ji labari ba har yanzu, ai kaima kasan inda da gaskene har Gidan rediyon N B S sai sun san da labarinnan "
Na jinjina maganarsa kafin nace "tabbas maganarka abar dubawa ce, amma yanzu yaya zamuyi mu amshe wayar din a wajenta"
Yayi murmushi yace
"Ai maganin biri karen maguzawa,allah na tuba mu yanzu har wata tayi mana wasa da hankali, ka ganni nan Na mijine ni, nasan mata sosai duk wani takunsu a kaina yake, dun haka zo kaji"
Na matso kusa da shi ya kitsamin
********************
Kofan tangamemen gidan ne ya bude
A yayinda kyakkyawar budurwan ta fito daga ciki ba wata bace face safiyya tana sanye da rigan kanti da wando ta yafa wani dan bingilallen gale iya kirjinta,
Turus tayi tana kallonmu cikin razana
Yayinda bakinta yafara rawa "shuri-shur-shuraihu me a faru"
Nai murmushin mugunta kafin nace
Bakinki ne safiyya
.
Mu hadu a part na gaba
,
Toh wasu baki kenan

MAZAN KO MATAN part 3

Duk da na dan razana sosai da jin muryansa amma hakan baisa na mike naje na bude kofan ba
Illa ma kasake danayi ina kallon kofan
,
Shakka babu nasan muddin na bude kofan toh fa sai dangado ya tayar mani da hankali,
Don in ta kai ta kawo ma cewa zaiyi mu tafi gidan su safiyya,
,
Kofan dakin ne ya cigaba da kara yayin da dangado yake dukansa iya karfinsa,
,
Nai ja tsaki sannan na rarumo bargona wanda a nai filo da ita na lulluba a jikina, nai kwanciyata
**********
,
Sauri nake ta zabgawa , burina shine na isa gidan su safiyya duk da nasan cewa zan fuskanci matsala a wajenta wajen karban wayan amma na ruga dana hattama irin karyan da zan lauya mata ,
,
Yo dama gani da dogon kafa uwa wani rakumi,
Cikin kankanin lokaci na isa kofan
Cikin sa'a na hango yaron dana aika jiya yana wasa a gefen gidan, na yafuto shi da hannu,
Da gudunsa ya iso gabana
.
Na jingina da bangon gidan bayan na aika yaron ya kirawo min safiyya na duba agogon hannuna
Karfe bakwai da minti goma sha uku na safiya
Nai mamaki ainun, da yadda lokaci baya ja da gudu
.
Yaron dana aika ya futo yace dani "wai tana zuwa"
Hankalinsa gaba daya yana wajen wasan daya ke yi,
Na sallameshi da cewa "toh"
,
Ban wani dade ba safiyya ta bude kofa ta fito
Kayan da suke jikinta jiya sune haryanzu amma a wannan lokacin hulan sanyine akanta sabanin Fatala(kallabi)
,
Tayi zunzurutun kyawu amma ni bata kyawun nake ba yanzu duk matsala ta ta bani wayan dangado ne,
Bayan mun gaisa nace da ita
"Safiyya dan bani wayannan danA baki jiya da dare"
YaDda nayi maganar ma kadai zai tabbatarmata da cewa cikin Ujila nake
,
Tai kasake tana kallona kafin daga bisani tai murmushi, don ta jawo hankalina gareta, a zuciyata nace aikin banza, ayanzu kam murmushin kinnan bazai tasiri ba"
Afili kuwa cewa nai "yi sauri dun Allah wallahi sauri nake ,"
.
Sai waige waige take tako ina a haraban angwan
Nasan ba komai take nema ba Illa mota, a zuciyata nace KARSHEN MAKARYACI tazo,
,
"Yo amma ina motarka"
Safiyya ta tambayeni tana kara kallon wajejen
Nai murmushi "tana gida, me yafaru"
"Babu komai kawai de ina tambaya ne,"
Tai shiru bata sake cewa kala ba
"Akwai wasu muhimman documents a cikin wayannan kuma yanzu nake so nai amfani da su, dan Allah yi sauri ki dauko mani,"
,
Na lura da yadda yanayinta ya canza ya koma salon tausayi, ta kankantar da murya can kasa tace "dama jiranka nake kazo na sanar da kai abun daya faru"
,
"Me yafaru " na fada cikin zazzaro idanuwa don na dauka screen din wayar ta fashe ne
"Wallahi jiya da daddare barayi suka shigo gidanmu, sun yi mana sata mai yawa kuma sun amshe wayarka"
**************
Wasu taurari idanuwana suke hango mani, taurarin sun kasu kashi biyu kashi na farko jajayene kashi na biyu kuwa bakakene
Jajayen taurarin nan suka hadu da babaken to amma maimakon su bada haske kala daya, sai suka bada wani bakin haske mai dauke da dugo dugon jajaja,
,
"Shuraih ga kokonka, kosen yana cikin dakinka"
Na mike tsaye ina kallon mai maganar kanwata ce, banyi kasa a guiwa ba na dau kokon na nufi cikin dakina,
Abun dana fara cin karo da shi shine kosen da aka ajjiye mani,
Na zauna na dau kosen na cilla cikin bakina, maimakon naji dandano mai dadi, sai naji akasin haka, wannan yasa na mike tsaye na fito bakin kofan dakina na tofar da ragowan kosen dake bakina
,
Tun da safiyya ta fada mani wai wayan an sace naji gabadayan lakan jikina ya mutu, babu yadda na iya haka na barta tai shigewarta gida
,
Da kyar na dawo gida don kuwa juwa ke dibata a hanya sai tangadi nake tamkar dan giya sabon shiga,
*
Na dau kosen da kokon na fice daga dakin ba inda na nufa sai wajen ummata don kuwa ita ke toya kosen , tun daga nesaa na runga jiyo hayaniyar mutane sama sama ,
"Baba sai nine"
"Na riga shi zuwa"
"Na naira hamsin zaki samun baba"
,
Irin wayannan hayaniya suke tashi a rumfan umma mai kose sunan da jama'a ke kiranta da shi kenan sabanin ni da Umma kawai nake kiranta
,
Dukda tarin mutanen dana tarar a wajen tuyan kosen sun zagayeta hakan bai hanani cusa kai ba na rrunga tutture su dolensu suka bani hanya na iso gindin wutan na durkusa nace
"Umma bazan iya cin wannan kosen ba , wallahi daci yake min"
"Toh yau kuma salon iskancin da ka fito da shi kenan ko kaka?" ta bani amsa lokacin datake kokarin saka dusan kosen cikin mangyada
Nai shiru kafin daga bisani nace
"Allah kuwa umma daci yake"
"Toh me kake son nai maka"
"Naira hamsin zaki bani naje nasha farin shayi"
"Toh amshi" ta mikomin hamsin din
Na amsa ina mai cewa "na gode umma"
Na mike tsaye da nufin na fuce daga rumfan
Idanuwana ne sukai arba da ita, nan take kirjina ya buga da karfi, nai tunanin ko idanuwana ne keyimin gizo hakan yasa na mummutsikesu da hannayena, amma har yanzu ita nake gani a tasaye a gabana hannunta rike da gudan naira dari , ranta a bace,
Ba kowa bace illa Sadiya budurwan dana runga shirgawa karya jiya ahanyata na dawowa Gida
.
Toh ya zata kaya
Ku biyo alkalamin Shuraih 99%

MAZAN KO MATAN part 2

Tamkar na fashe da kuka haka nake ji
Sabuwar wayace kwananta Uku da siya,
Sabuwa ce gal a leda ya siyota Dubu 50,
Kirar infinix
.
Shi kansa shiga cikin motan ma gagarata yai na jingina a bakin kofan ina yiwa kaina jimami dun kuwa ko shakka banayi nasan sai na biyasa wayansa
.
Karancinn mutunci ne da Dangado,
Baya daukan asara a kayansa ,
,
Na dulmiya cikin kogin Tunanin inda akai har wayan ta bace,
Tunani kala kala suka runga ziyartar kwalkwalwata a yayin dana ke daukan wasu wasu kuwa nai fatali da su,
,
Wani farin Tunanine ya kwankwasa wa kwakwalwata kofa duk da dai cewa na gaji da tunanukan, hakan baisa nai fatali da shi ba, sakamakon ganinsa da nayi fari fat, sabanin tunanukan baya bakake wuluk
.
Nai sauri na bude Tunanin nan, sai ga Hoton yadda akayi har wayan tabar hannuna
Wani dan guntun murmushine ya subuce daga lebbana, wayanda suka bushe karangus
.
Nan take naji wata irin kwanciyan hankali ta ziyarceni, dukkan fargabana suka kau, raina yai fari tas,
Na juya da nufin na shige mota naje na amso wayan a inda na barsa
,
Akame na tsaya kikam numfashina ya kusan daukewa, sakamakon abunda idanuwana ya hango mani
,
Wasu tsala tsalan yan matane su Uku suke jerowa akan titi, dukkansu jajayene tamkar wasu larabawa ,
Hankalina yafi karkatuwa ga ta tsakiyarsu, wacce ta kasance gaba dayansu ta dara su a kyawu,
.
Ta mallaki madaidaicin fuska, mai dauke da kana kanan idanuwa,a yayinda tai wa girarta ado da eyeshadow,
Tana sanye da koren doguwar riga har kasa mai dauke da rotsi rotsin ja,
Ta rike jaka irin nasu na mata ,
In ka ganta a cikin wayannan yan mata tamkar wata ran daren goma sha biyu,
.
Tun dana ke a rayuwata ban taba ganin mace da irin wannan kyawu a zahiri ba sai de a talabijin,
Suna tafiya suna hira,
Zuciyata ta fara fisgata tamkar mayen kurace a jikina, babu yadda banyi ba don na hana zuciyata muradin kyakkyawan halittan nan amma abu ya faskara
Hakan yasa na nufi wayannan yan mata fuskana cike da murmushi,
.
Irin kallon da suke mani shi ya tabbartar mani da cewa ko kallo ban ishe su ba, yo amma da shike nima gwarzon namijine sai na dake a zuciyata nace yau dai ko MAZAN KO MATAN
,
Na rangada masu sallama da muryata wacce nai kokarin sirantata tamkar zanja ayan kur'ani,
Suka amsa cikin hadin baki,
Kowaccensu ta daure fuska tamkar an aiko masu da sakonnin mutuwa,
Murmushi kawai nayi don nasan na jan aji ne
,
"Sannun ku yan mata, tun daga nisa na hango ku, sam bai kamata ace kaman ku kuna taka sayyada ba, hakan ce tasa nai tattaki na iso , ga mota ta a can kuzo muje na rage maku hanya"
,
"Hmm mungode wallahi don ma mun kusan isa inda zamu"
Ta bangaren dama ta bani amsa
Nai murmushi mai nuna halin ko in kula don na riga dana san halin yan matan yanzu nace "Ok wai dama gani nayi ya kamata , amma tunda kun nuna bakwa bukata no problem, da shike nima baqone a nan garin yau nazo daga Abuja, sakamakon wata shara'a da muke da wani wai shi Alhaji Sale "
,
Na lura da yadda dukkansu yanayinsu ya canja duba da irin yadda suka karemani kallo, a zuciyata nace ku gama kare mani kallo da kyau ,
Har na juya na da nufin zan tafi sai kuma na sake juyowa na dubesu nace Don Allah na tambayeku mana
,
"Muna jinka" wacce tai magana dazun ta bani amsa
"Ina ne gidan Abdullahi Adamu, senator naku"
"G R A" ta sake bani amsa
Cikin tantama nace "ina ne kuma G R A"
Ta fara yimani kwatance sai ta iddar sannan nace mata
"Wallahi sam bana gane kwatance don Allah ku taimaka ku kaini kunga daga nan sai na sauke ku a gida,"
Sai da na lallabesu sosai sa'annan suka yarda har suka shiga cikin motar Arona na jasu,
Na lura da tauraruwata tun da na hadu dasu bata furta ko kalma daya ba,
Ina tuki na na saita madubin gaban direba saitinta yayin dana ke kallon kyakkyawan fuskarta sai sheki yake tamkar zinariya,
,
Na juyo na dubeta murmushi akan fuskana
"Tauraruwa ke bakya magana bane"
"Tauraruwa" ta nanata sunan
Salon yadda ta kira sunan ma abun burgewane, zakin muryanta ne yaso ya sanyani sakin sitiyari
,
"Sunan bai yi bane" na tambaya
Shiru tayi
"Kin dace da sunan ne shi isa , domin kuwa kinfi kama da larabawa , "
Dukkansu yan matan suka kyalkyale da dariya
Sai da sukai mai isarsu sannan dayan tace
"Kai amma da abun dariya kake"
"Wallahi gaskiya na fada, dun kinsan ni a saudi nayi karatuna, yo ko yammatan larabawan baza su nuna maki kyawu ba tauraruwa,
Yanzu haka da kuka ganni a garin nan wallahi wani dan damfara ya keson ya cuci mahaifina yanzu haka ma mun shiga kotu da shi,
Sunansa wai SALE , shi isa dukkan wani kadarorinmu muka bi muka rubuta cewa is not for sale don mu gargadi jama'a, kinga ma wancan ginin, "na nuna masu wani tangamemen gini wanda ake kan aikinsa, ajikin ginin an rubuta da manyan baki THIS PROPERTY IS NOT FOR SALE,
,
Na cigaba "ai duk wani gida,mota,babur,fili da dai sauransu da kukaga an saka THIS PROPERTY IS NOT FOR SALE toh na mahaifina ne, muna sanya wannan rubutunne don mu gargadi mutane "
,
Haka dai na runga jansu da hira ina sharara masu karya babu kunya bare tsoron Allah
har muka isa G R A suka nuna mani gidan dana bukata.
Daga nan na juya akalar tafiyar zuwa angwan da suka ce da ni a nan suke,
Cikin kankanin lokaci muka iso gangaren tudu da taimakon daya daga cikinsu inda take tai mani kwatance, bata san cewa na fita ma sanin angwan ba,
.
****
Suka fito daga cikin motan yayin da suke yimin godiya,
Fitowa nayi na dubesu nace babu komai ai
"Gashi kuma zaku tafi baku fadamin sunayenku ba, ko namban waya baku bani ba "
,
Wacce tafi kowannensu surutu tace "ni dai sunana Rashida, wannan kuma ta nuna tauraruwata da yatsa sadiya waccan kuma balki
,
Na nanata sunan a raina sadiya gashi dai ta hadu amma sunan na tsofaffi ne a fili kuwa murmushi nayi sannan nace "suna mai dadi, ni sunana Shuraih 99% inkiya mai dala"
,
******
Ina kwance kan kakkarfan katifan dakina wanda sau tari yasha sanya mani ciwon baya ,
Na tuna lokacin dana bar kofan gidansu sadiya yayinda rashida ta bani nambarta
Tunani nake yanzu gobe a ina zan samu aron kaya da mota dun kuwa nace masu gobe zan kawo masu ziyara,
Ina cikin wannan sake saken ne barci yai awon gaba da ni
,
Kaman a mafarki sai ji nai ana bubbuga kofan dakina,
Na bude idanuwana masu dauke da mayataccen barci a hankali,
A sannan ne kunnuwana suka sake tsinkayo karar bugun kofan tamkar za'a balla kofan haka ake bugunta
,
Cikin zafin rai na mike zaune na dubi kofan dakin
Har na bude baki zan yi maganna, sai na tsinkayi muryan DANGADO yana cewa
"Kai shuraihu! shuraihu!! Shuraihu!!! Ka bude kofan nan ka bani wayata,"
.
.
Ai dangado kai sai de kayi hakuri
Amma wayarka tabi........

MAZAN KO MATAN part 1

MAZAN KO MATAN
Na Shuraih Usman
Gajeran labari
Part 1
Tangamemen Gida ne iRin na zamani
Wanda ya kawatu ainun, domin kuwa a gaba dayan fadin unguwar gidanne gida na farko da a ka sana'anta da Bene
Gidan wani dan majalisa ne mai ci
.
Ina tsaye a bakin gate din gidan hannuna na dama rike da makulli ,yayin da hannun haguna yake boye cikin Aljihu,
Lokaci lokaci nakan yi wasa da makullin hannuna ta hanyar jujjuyasa
.
Wani yaro na gani ya fito daga cikin gidan zai karisa bakin titi, da guduna na tsaida shi ta hanyar kwala mai kira , yaron ya tsaya yana dubana tamkar wanda yaga wani Aljani ,
"Dun Allah yayarka Safiya tana gida kuwa"
Na tabayi yaron
"Eh tana gida" yabani amsa
"Dun Allah kai mani wata Alfarma man"
"Ina jin ka"
"So nake ka kiramin ita"
"Hmm " kawai ya fada sannan ya juya ya nufi cikin gidan
.
Duk da dai nasan abunda zai biyo baya hakan bai sa naji ko darr a zuciyata ba,
Bayan dan gajeran lokaci sai ga yaron ya fito
Haryanzu irin kallon dayai mani waccan karon itane dauke a idanunsa ,
Bayau na saba zuwa zance wajen safiyya ba don kuwa nakai wajen wata biyu, ina zuwa wajenta dai dai da rana daya ban taba fashi ba
.
Duk abun da nake yi komenene, koya wannan abu yakai ga muhimmanci muddin karfe takwas din Dare yayi, toh take zan saki abunnan na nufi hanyar gidan su safiyya
,
Wani tarin abun takaici kuwa shine Tunda nake zuwa wajen safiyya dai dai da rana daya bata taba yimin kallon mutunci ba,
Ko tafito ma sai de ta gaggasa mani magana tai tafiyarta, wani sa'in ma a gabana samarita masu hannu da shuni suke zuwa sui awon gaba da ita, cikin dankareren motoncinsu
,
Bazan taba mantawa ba akwai wata rana da na zo , naci sa'a ta fito, ranan ina sanye da kayan aikinane na bakanike. Ko tsayawa canzaasu ban ba, kuru kuru safiyya ta fadamani wai wari nake
Muna tsaye da ita a wajen sai faman bata baki nake ina furta mata lufuzan soyayya masu sanya zuciya tai taushi,
Wata dankareriyar motace kirar range rover ta faka wani mutum sanye da manyan kaya ya fito daga cikin motan.
Koda safiyya ta kyallara ido taga waNnan mutumin sai ta nufeshi tana mai murmushi
,
Ni kuwa nai tsayuwata a kofan gidan cikin zaman jira lokacin data zo shigan gida
.
Sam bana damuwa da irin tarin wulakancin da safiyya take nuna mani, duk da bata fito fili tace bata sona ba,
Nasan abu daya ne ya shiga tsakanina da ita
Kuma shine ya darsa rashin kaunata a zuciyar safiyya
Wannan abu kuwa shine NAIRA
,
Bakaniken mota ne ni,cikin kanikawan ma yaron aiki nake,
Aduk lokacin dana dan samu kudi sai na tafi kasuwa na sayomata yan man shafawa, da sabulai na iya karfina na kawo mata, amma ko godiya bata taba min ba sai de ta amshe tai su ta kara gaba wajen masu zuwa da dankara dan karan motoci
.
Wannan abu ya dade yana cimin tuwo a kwarya
Su kansu Abokaina ma tsiya suke min sai kaji suna kirana da dan wahala ,
,
Wannan yasa na yanke shawarar canja salon takuna tunda na fito a gaskiyana abu yaki aiki toh bazan jarraba dayan ko zaiyi aiki
.
Wannan nema yasa naje na samu wani dan unguwanmu ana kiransa Abba Yelo, na naimi daya taimakamin da Aron Motarsa na Dare daya kacal,
Daga nan na garzaya wajen Abokina MJ na nemi ARon kayan kanti sababbi a wajensa
,
Nai wanka na feshe jikina da turaren Daki na ci kwalliya sa'annan na dau makullin motar dana ara nai ficewata daga gida,
Koda na fito kofan gida mutane da dama basu gane ni ba, don kuwa sun saba gani na cikin tsummokaran Over size dina
To yau gani sai kace wani hamshakin mai dala ne
.
Na shiga cikin motan nai hanyar Gangaren Aboki
Fakawa nayi a kofan gidan su DANGADO na nemi daya bani aron wayarsa infinix finger print, da kyar da sidin goshi ya bani, yayin daya cikani da gargadi
*****
"Wai tana zuwa" yaron ya fada
Cikin isa na zura hannu cikin Aljihuna na dauko naira hamsin na ba ma yaron, sosai yayi godiya sannan ya kara wuta
,
Bayan dan wani lokaci sai kofan gidan ya bude safiyya ce ta fito tana sanye da riga da siket wayanda sukai matukar yi mata kyau, hasken fuskarta wanda akullum karuwa yake,
Tun daga nesa naga tana mini kallon daga ina
Wannan yatabbatar mani da cewa bata gane ni ba
"Assalam" tai sallama
Na amsa sallamar cikin kausasa murya yanda na amsa sallaman zai tuna maka da marigayi IBRO Allah ya jikansa
,
"Malam waye kai sannan daga ina kake" ta jero min wayannan tambayoyi bayan data jingina a jikin motan Aro na
Nai murmushi sannan na Cire bakin tabarau din daya ke kan fuskata
Cikin dan razana ta washe baki "shuraih!"
Na gyada mata kai
Munyi hira sosai yayin da yawancin hiranma safiyya ne ke zancenta , don ni hankalina yana cikin wayar hannuna wanda tun da muka fara hira na fiDdo,
Ni kaina nayi mamakin yadda safiyya ta zage muna hira yau tamkar ba itace safiyyan da ke cemin ina Wari ba,
Na tattakure na shiga shirga mata karya ba kakkautawa
Don kuwa ce mata nai ai Dangote kanin babana ne Uwa daya Uba daya
Sun rabu ne tun suna yara kananu
Koda ta nemi sanin abunda ya rabasu sai na sake shirga mata wani karyan inda nace mata
Ai tun lokacinnan babana suna zaune a kano wata rana sun fita yawo shi da dangote shine barayin mutane suka sata shi, tun daga ranan basu sake haduwa sai jiya, da dangote yazo wucewa ta nan garin sai Allah ya hadasu
,
Ta sake tambayana yadda akayi suka shaida Juna
Nai murmushi nace mata ai naka nakane babu ta yadda zaka mance da dan uwanka, hatsari dangote yayi a hanyan KARAN SHANU shi kuwa mahaifina yai kokari ya taimakeshi ya futo da shi daga cikin motan to ta haka ne har dangote yaga wata sarka a wuyan mahaifina , wannan sarka itace shedan gidanmu don nima ina da ita,"
Safiyya ta kalleni cikin mamakin zancena
,
Na basar da kallon datai mani
Ta budi baki da niyyar sake jefomin wani tambayan nai sauri na katseta da fadin
"Yanzu haka ma dangoten yana nan a gidanmu, shin kina bukatar ganin sa ne?"
Nai kasake ina shirin jin amsar daza ta bani, ni kaina na san nayi gangancin fadin wannan zance,
,
"Ai kuwa zanso na gansa ,kash sai de yanzu babana yana gida amma gobe kam dolenka ka kaini kodan ma muyi hoto"
Tafadi cikin zumudi
murmushi nayi mai nuna cewar na tsira daga wannan takin,
,
Munyi hira sosai daga nan na sallemeta inda na zaro last cash dina Dubu daya na bata, ita kanta dubu dayan sai da nayi kwanaki bakwai ina tarata , na bude motan aro na na kara gaba,
Zuciyata fal da farin ciki domin kuwa ji nake tamkar nafi kowa a duniya
,
Ina kan hanyata ta komawa gida sai na Tuna da abun da ya kusan sanyani hatsari,
Hankalina ya tashi, idanuwana suka zazzaro
Gabana yakama faduwa
"Wayan DANGADO"
A fili na fada yayin danake lalube aljihuna
Nai saurin faka motan a gefen titi
Babu inda ban bin cika a cikin motar ba amma ban ga wayan ba
Na tuna irin tarin gargadi da kashedin da runga kwarara mani kafin ya bani wayan
.
Fans dafatan kuna biye da Alkalamin 99%
Hey, we've just launched a new custom color Blogger template. You'll like it - https://t.co/quGl87I2PZ
Join Our Newsletter