=2348140419490

Keffi Nasarawa State, Nigeria.

chat or inquires any novels with us

Monday, 14 January 2019

ABOKAI littafi na biyu 2 part 5

 
ABOKAI
Littafi na biyu 2
Marubuci Shuraih Usman
Typing:- by Shuraih Usman
© Shuraih 99% 2019
Part 5
.
Kwamishina ya katsesa ta hanyar daga mai hannu yace "ka same ni a ofishina yanzu" yana gama fadin haka ya fice daga magarkaman,
Cikin fushi Acp kamalu ya dubi dan ta'adda sidi dake zaune yana murmushin mugunta yace "naso ace na sameka da wannan alburushi, ka godema Allah daya turo kwamishina ya sa hannuna ya kuskureka,"
.
"Shin a tunaninka me yasa kwamishina ya hanaka hallakani, nasan zakai zaton ko shima dan hannuna ne, A'a kawai de yarana ne sukai aikinsu na tabbata nan da awanni ashirin da hudu zan fice daga kazamin ofishin nan naku cikin girmamawa"
Dan ta'adda sidi ya fadi hallau murmushin mugunta na shimfide akan fuskarsa
.
Zuciyar acp kamalu ta fara tafarfasa, ma'aunin fusatarsa takai 100% cikin fushi ya fice daga magarmakan don ko muddin ya tsaya ya cigaba da sauraren maganganun da dan' ta'addan ke fada masa wayanda sukafi madaci daci a zuciyarsa zai iya bindige dan ta'addan har lahira,
.
____
"Menene amfaninsa garemu da kuma Al'umma yallabai, mutumin daya kasance bara gurbi bashi da buri da ya wuci daukan rayukan al'umma, dan ta'adda fa kenan yallabai yayi kisa cikin mutane, shin me ne alfanun kareshi"
Acp kamalu yafadi cikin salama yana fuskantar kwamishina Abdullahi makeri
.
"Bawai na hanaka kasheshi bane So nake kafin ka kasheshi ka kalli wannan majigin" kwamishina ya fada lokacin daya mikawa acp kamalu wayan dake hannunsa
Acp kamalu ya karbi wayar, yana kai dubansa kan fuskar wayarne yayi arba da babban tashin hankalin da baiyi tsammani faruwansa ba,,
Daliban makarantar government College ne rututu a cikin makeken daki, dayawa daga cikin daliban babu abunda suke sai kuka,
A zagaye da daliban wasu mutane ne cikin bakaken kaya sun rufe fuskokinsu da bakin kyalle idanuwansu kadai ake iya gani, mutanen suna rike da dogayen bindigogi kirar AK47 a hannuwansu, daya daga cikin mutanen ya fito tsakiyan dakin ya tsaya ya fara kalle-kalle yace
"Daliban makarantar government College keffi ne muka kwamuso. A bisa kama mana shugaba da hukuma tayi, ku hukuma kui sani cewa kun taro babban tashin hankalin da bata da ranan karewa, " dan ta'addan na zuwa nan a maganarsa sai ya kamo dalibi daya daga cikin daliban dake zazzaune suna kuka ya dora bakin bindigarsa a kan saurayin yace "mun baku nan da sa'o'I ashirin da hudu ku sako mana shugabanmu SIDI in ko ba haka ba, zamu kashe daliban nan duka," yana gama fadin haka ya danna kunamar bindigarsa, nan take karar fitar Alburushi ta karade dakin, saurayin dalibin dake gabansa ya fadi kasa matacce gefen kansa a fashe, jini na bulbulowa ta cikin kan
.
Koda daliban dake cikin dakin sukaga haka sai dukkansu suka gigice, zuciyoyinsu ya fara dukan tara-tara, tsananin tsoro,firgici ya lullubesu, cikin kankanin lokaci Dakin ya hautsine da ihu gamida kukan dalibai,
.
Dan ta'addan daya kashe dalibin ya dakawa daliban tsawa yace "shut up"
A matukar firgice daliban suka hadiye kukansu hawaye na kwaranya daga idanuwansu,
"Wannan fansa ce, fansar kashe dan uwana da kukai, izan har baku sako mana shugabanmu nan da awanni ashirin da hudu ba kamar yadda na fadi sai na kashe dukkan daliban nan na aiko maku da gawarwakinsu" dan ta'addan ya fada sannan ya fice daga dakin.
_____
"Inna lillahi wa'inna ilaihii ra ji'uun," acp kamalu ya fadi, lokaci guda gumi ya fara karyo masa, ya ciro hankicin ya share gumin daya karyo mashi,
Kwamshina yace "A jiya da daddare ne aka saka video din a youtube, nima constable Ubaidu ne ya nuna min, dazu da safe, nasan yanzu kusan dukkan mutanen kasannan sun kalli video din nan"
.
"Yanzu yallabai menene mafuta," acp kamalu ya tambayi kwamishina
"Ba maganan gaggawa bane,dole sai mun zauna da manyan kasannan anyi shawara, kasancewar makarantar ba gama gari bace, Daliban ma da akai garkuwa dasu yawancinsu ba yan jihar nasarawa bane , "
Kwamishina ya bashi amsa yana mai mikewa tsaye ya fice daga ofishin,,,
___
Iyayen Daliban da yan ta'addan sukai garkuwa da su, sun shiga wani irin hali yayin da mummunan labarin ya riskesu sun koka sosai gameda tsaron makarantar, da yawa daga cikin iyayen daliban sun fito kafar yada labarai suna masu rokon gwamnati data taimaka ta saki dan ta'addan
.
Har yanzu mutane sun kasa gane fuskan dalibin da dan ta'addan nan ya kashe, sakamakon dan duhu duhu da hoton video din yayi,
.
Wannan mummunan lamari mara dadin saurare ita ta sanya cikin gaggawa shugaban kasan Nijeriya Umar Bahaje ya dawo gida Nijeriya,
Saukarsa a filin jirgi keda wuya yan jarida sukai masa maraba da tarin tambayoyinsu wayanda yawanci duk akan batan daliban makarantar government college ne, "yallabai wani mataki za'a dauka gameda batan yaran makaranta"
"Yallabai za'a fanshe su da dan'ataddan kenan"
"Yallabai shin an gano ko waye dalibin da yan ta'addan suka kashe?"
Irin wayannan tambayoyi da makamantansu sune yan jaridan sukaita korawa shugaban kasa su
Shugaban kasa umar bahaje ya gyara zaman farin tabaransa ya dubi yan jaridan yace dasu "dafarko dai Ina mika sakon ta'aziyata ga iyayen dalibin da ya rasa ransa, duk da haryanzu ba'asan ko waye ba, da yardan Allah nan da sa'o'I kalilan zamu dawo ma iyayen yara, da 'yayansu cikin koshin lafiya,"
Yana gama fadin hakan yai wuce warsa inda jami'an tsaro suka take masa baya
***=======***
Yan ta'addan ne su Uku a zazzaune saman manyan lallausan kujerun da suka bada gudumma wajen kawata tangamemen falon,
Hankulansu ya tafi ga tangamemen talabijin bango dake manne a jikin bangon falon, inda aka hasko shugaban kasar nijeriya yana korawa yan jaridu bayanai,,
"Lallai shugaban kasa ya yanke kyakkyawan shawara, da ya yarda zai sako Oga, "
Audu ya fada yana duban jagwa,
Jagwa yayi tsaki gami da yamutse fuska yace "ai dolensu su sako oga, ku suna so ko basa so"
"Kwantan bauna zamuyi masu, da zarar sun sako oga mu dana wa la'anannen dan sandan nan tarko, dun kuwa sai mun fanshe rayuwar dan 'uwanmu"
Aba yawo ya fada cikin bacin rai
Audu ya jijjiga kai yai kwafa ,

ABOKAI littafi na biyu 2 part 4

 
ABOKAI
Littafi na biyu 2
Marubuci Shuraih Usman
Typing:- by Shuraih Usman
© Shuraih 99% 2019
Part 4
.
***=====****
Makarantar government college na dauke da sashi-sashi gamida bangare-bangare, kasantuwar makarantar ta kwanace yasa aka gina gidaje da dama aka kebancewa malaman makarantar,
Hatta gidan shugaban makarantar ma a cikin makarantar take kuma bata da banbanci da sauran gidajen
.

Shugaban makarantar government college mai suna malam yahuza ne kwance a saman tangamemiyar gado mai sanda, dattijon ya kasance baki ne ya saki baki yana surnano munshari, bakajin sautin komai a cikin madaidaicin dakin face sautin munsharinsa mara dadin sauraro
,
Bayan shudewan kankanin lokaci, wayar salulan dake ajjiye a saman hannun gadon da dattijon ke kwance akai ta fara burari sautin wakar mamman shata na futa daga cikinta,
.
Cikin kasala dattijon mai suna Yahuza ya mike zaune yana mai mika,
mika hannu yayi ya dau wayar tasa, ya danna sannan ya kara a kunnensa, "hello me yafaru ne muhammed da sanyin safiyarnan, ka danno min kira, "
Dattijo yahuza ya fada yana mutsistsika idanuwansa,
Lokaci guda dattijon ya zazzare idanuwa alamar kaduwa cikin daga murya yace "Inna lillahi wa'inna ilaihirraj'un , yaushe abun ya faru" ya fada sannan ya sauko daga kan katifar , alamun baccin dake tunkushe a idanuwansa da zu sukai fitar burgu,
.
"Okey muhammed ga ninan zuwa yanzu" dattijo yahuza ya fadi yana mai ajjiye wayar akas,
Cikin sauri ya shirya cikin manyan kaya zariya, ya fice daga dakin,
Yana fitowa daga cikin dakin ya nufi wani sashe na makarantar cikin sauri
Irin yanayin yadda yake tafiyar ma ya isa ya fahimtar da mutun cewa a matukar razane dattijon yake,
______
"Yallabai ina kwance a gidana shugaban dalibai (headboy) ya kirani a waya yake sanar dani wai daliban Gongola house da benue house an tashi da safiyarnan ba'a gansu ba daga siniyoyin har juniyoyin,
Ban yi kasa a guiwa ba na kiraka na sanar dakai"
Bakin mutumin da ke zaune akan kujera ya fada yana fuskantar malam yahuza,
.
"Inna lillahi wa'inna ilaihirra ji'uun, wannan masifa dame tai kama, Allah kadai yasan ko me ya faru da daliban nan, amma yanzu bamuga ta zama ba, dole mu sanarwa da jami'ai yanzu don asan halin da alke ciki"
Dattijo ya fadi yana duban mr mohammed dake zaune a gabansa, lokaci guda ya ciro wayar salulan dake aljihunsa ya yayi dan latse-latse a wayar kana ya kara a kunnensa
____
Cikin kankanin lokaci Labarin batan yaran makarantar government college keffi ya karade ilahirin Nijeriya tamkar ruwan dare, ya kasance ko wata gidan talabijin, gamida gidan rediyo labarin suke, hatta a kafar sadarwa ta zamani (social media) sai da mutane sukai ta yayata labarin
Inda wasu mutanen 'yan kara wa labari gishiri ke cewa Aljanu ne suka kwashe yaran, dama tun can ana rade-radin akwai aljanu da gwaigwai a makarantar,
Irin wayannan labarai na shaci fadi suke ta zagaye kafar sadarwa,gidajen talabijin hade da gidjen rediyo
.
Acp kamalu dan jihar Zamfara ne acan yayi karatun islama da na boko har ya kaiga shiga jami'a duk da mahaifinsa malam Koje ba wani karfi ne da shi ba amma hakan bai hana ya dage sosai ganin ya samawa kamalu karatun boko ba, har dannasa kamalu wanda ya kasance mai matukar hazaka, ya kai ga zama dan sanda mai babban mukami,
.
Tun daga lokacin da kamalu ya fara aiki sai ya kasance yana tafiyar da aikinsa cikin gaskiya, baya taba sassauta wa masu laifi, ko karban Rashawa,
Irin yanayin jajircewarsa cikin aikin yasanya manyansa suka runga sauya masa wuraren aiki ,
.
Sanin irin kwazonsa da jajircewarsa akan aikin nasa ya sanya aka damka masa kes din sidi kashe babba kashe yaro, da yaransa inda aka daura mai alhakin kamosu,,,
___
Acp kamalu na zaune cikin ofishinsa yana nazarin wasu takardu,yana sanye ne da shudin rigan kanti mai dogon hannu hade da farar wandon jeans, ya maida hankali sosai wurin nazarin takardan dake ajjiye kan teburin daya tokare gabashi da yamman ofishin,
.
Kofan ofishin ne ya bude wani tsamurarren dan sanda ya shigo yana zuwa ya sarawa Acp kamalu, yace "sir dan ta'addan nan ba karamin dan ta'adda bane babu irin azabar damu gana masa ba amma yaki fada mana wanda ke basu aiki, yanzu haka ya na can a kwance a magarkama sai dariya yake tamkar zautacce,"
,
Acpn kamalu ya mike tsaye batare daya dubi tsamurarren kurtun dan sandan ba yace mai "ok ku koma bakin aikinku kawai bazan je na duba shi"
"Ok sir" dan sandan ya fadi sannan ya juya ya fice daga dakin,
,
Fitansa ke da wuya acp kamalu ya fito daga ofishin nasa ya nufi bangaren magarkama kai tsaye ya wuce magarkamar da aka kulle dan ta'adda sidi a ciki,
Yana shiga yayi arba da dan ta'addan shimfide a kasa yana murmushi, Sidi ya dago kai ya dubi acp kamalu yace "jiya kace muddin ban sauya ra'ayi ba zaka kawar dani a yau, shin kazo ka kawar danin ne"
,
Acp kamalu ya jawo wata kujeran karfe da ke girke a cikin magarkaman, ya zauna ya dubi sidi "har yanzu ina kan bakata, dun haka in kana da wasiyya maza ka fadota tun kafin harsashin bindigata ta ratsa cikin kwakkwalwarka" yafada alokacin daya zaro karamar bindiga daga mararsa,
.
Dan ta'adda sidi ya bushe da dariya, yana yi yana kyakyatawa wannan dariyar itace ta fusata acp kamalu, cikin fushi ya dirkawa dan ta'adda sidi Alburushi a kafan hagunsa,
'
Tsananin zafin da ta ziyarci kafan dan ta'addan ne ta sanya babu shiri ya kwarma ihu, wacce tai ansakuwwa a ofishin yan sandan baki daya,,
Har yanzu bakin bindigar Acp kamalu yana fuskantar Sidi, "ai ba lokaci daya zan kasheka ba, sai na jiyar dakai dacin mutuwa kafin na hallaka ka"
Acp kamalu ya fadi dan ya tsantsa na kokarin danna kunamar bindigar
.
"Kasani cewa muddin ka kashe ni to ka tsokano tsuliyan dodo ne, domin kuwa yarana baza su taba bari ku zauna lafiya ba, iyanzu da kuka kamani ma nasan ba shiru zasuyi "
Dan ta'adda sidi ya fadi cikin yanayin mugun hali,
.
"Kamar yadda muka kamaka muka kasheka, suma haka zamu kamosu mu kashe shu," acp kamalu ya fadi haryanzu bakin bindigarsa na fuskantar dan ta'addan dake kwance magashiyan akas, kafarsa ta hagu tana bulbulo da jini,
.
Dan ta'dda sidi ya cije baki sakamakon radadin da kafar tasa ke masa wanda yake haurawa har tsakiyan kansa, yaja doguwar nishi yace "shawara nake baka kada ka kasheni, kada ka kasheni"
,
Acp kamalu yayi tsaki "shawarar taka ta banza,amshi wannan"
Yafadi yana mai kokarin sakin Alburushi daga bindigarsa,
Kwamishina Abdullahi makeri ne ya shigo magarkaman a guje Dede lokacin da acp kamalu ke kokarin kashe dan ta'addan,
Cikin kankanin lokaci ya fahimci abun da mataimakin nasa ke kokarin yi hakan yasa ya kariso a guje don ya tsaida matemakin nasa,,
Yana karasowa wurin ne Karar fitar alburushi gamida ihun dan ta'adda sidi suka karade magarkaman..
__
Kusan abubuwa uku ne suka faru lokaci daya,
Ihun da dan ta'adda sidi ya kwarma, danna kunamar bindiga da Acp kamalu yayi gamida sauri da kwamishina yayi ya ya canja akalar hannun acp kamalu ta fuskanci wani sashi daban na magarkamar ta hanyar dukan hannun da yayi da kafarsa
.
Dan ta'adda sidi ya sadakar cewa ya mutu, a firgice ya dafe gefen cikinsa, amma cikin mamaki sai yaji babu wani radadin daya ziyarci jikinsa, yayi karfin hali ya mike zaune yana dudduba jikinsa ko zaiga inda acp kamalu ya harbesa, amma babu..
.
A fusace acp kamalu ya juyo don ganin wanda yai doki hannunsa
Lokaci guda ya kame sannan ya sarawa kwamishina, yace "yallabai naga babu amfanin ajjiyesa tunda yaki fadan waye ubangidan sa shine nai.."
Kwamishina ya katsesa ta hanyar daga mai hannu yace "ka same ni a ofishina yanzu"

ABOKAI littafi na biyu 2 part 3

 
ABOKAI
Littafi na biyu 2
Marubuci Shuraih Usman
Typing:- by Shuraih Usman
© Shuraih 99% 2019
Part 3
.
Agurguje daliban suka karisa fita daga dakin,
*****=====******
Lokaci guda haidar,jibrin,Hassan da mansir suka mike daga wurin Aliyu suka fara dumfarar yan ta'addan, izan ka kalli fuskokinsu zaka tsinkayi babban tashin hankali shimfide akan ta hakanan kuwwan fansa na tashi daga cikin idanuwansu,
.
Yan ta'addan biyu suka seta bakin bindigoginsu yana fuskantar ABOKAN,
"Ku tsaya a inda kuke ko yanzun nan mu aika daku,inda na aika dan uwanku" Audu ya fadi yana kokarin sakin harsashi
Cikin zafin nama silli ya wafce bindigarsa lokacin daya fahimci kudurinsa yace "haba Audu so kake ka batamana shiri, bafa kisa ya kawo mu nan ba, "
.
Ran Audu a bace ya dubi silli yace "dan ubanka bakaga su neman kashe mu suke ba, zuwa garemu sukefa" Silli ya juya ya dubi Abokan har yanzu suna kokarin kusanto inda suke,
Ba shiri Audu da silli suka fara ja da baya don sunyi matukar razana da yanayin da suka tsinkaya a fuskar ABOKAN
.
Haidar,jibrin,hassan da Mansir tafiya suke idanuwansu a rufe basa ganin komai face yan ta'addan nan, babu abunda ke tashi a zuciyoyinsu face wutar fansa, ....
Haka suka cigaba da nufar yan ta'addan da bakar fuska, duk da kashedi gami da barazanar da yan ta'addan ke yi masu hakan bai sa sun tsaya ba,,,
.
"HhhhHhhhhhjjjjj" sautin nishi ya fara tashi daga bayan Abokan, cikin sauri Abokan suka juya lokacin da suka jiyo sautin ko tantama basa yi sautin na fitowa ne daga jikin Abokinsu Aliyu dake kwance a kasan dakin,,,,
Da gudu suka isa wurinsa, suka iske idanuwansa a bude hancinsa na surnano nishi sama-sama
.
Mansir ya mike ya debo ruwa a karamin kofi ya zuba wa Aliyu aka, sannan ya bashi ya sha,
Duk wannan Abu dake faruwa yan ta'addan biyu suna daga nesa a tsaye, hakanan daliban dakin ma suna takure a gefe daya, zuciyoyinsu cike fal da tsoron shedanun yan ta'addan nan,,
.
Audu ya fisge bindigarsa daga hannun Silli sannan ya nufi wurin Abokan wayanda suke durkushe,
Hasan ya tallabo bayan Aliyu suka zaunar da shi, har yanzu bai gama dawowa cikin hayyancinsa ba,
"Aliyu kana jina? Nine Aboki" haidar ya fadi yana jujjuya tafin hannunsa a gaban fuskar Aliyu
Kwatsam ba zato ba tsammani sai gani Abokan sukai an janye Aliyu daga zaunen da yake, an daga shi sama,
.
"Kai wai su waye ku ne? Me mu kai maku ne " hasan ya fadi cikin muryan bacin rai
Audu ya zaro doguwar wuka daga mararsa ya aza a wuyan Aliyu sannan yace "Mune Guguwan Annoba, anai mana inkiya da Gobara daga Kogi, mune muka gagari nahiyar Africa, ba ku mana komai ba, hakanan ba cutar da ku muka zo yi ba amma muddin ku kayi taurin kai kuka bin umarninmu to dukkanku sai mun hallakaku sannan mu aiwatar da kudurinmu, kuma takan Dan uwan kunnan zamu fara"
.
"Me kuke son mui maku, dun Allah kada ku kashe shi koma menene zamuyi maku" jibrin ya fadi hawaye na bin kumatunsa
Silli ya kariso wurin
Audu ya dubeshi yace " a fara aiki silli"
Rufe bakin Audu ke da wuya Silli ya dubi daliban yace da su " ku wuce mu tafi"
Ba musu daliban dake a matukar tsorace wayanda adadinsu yakai ashirin suka nufi kofan dakin, ,,,
Suna zuwa bakin kofan ne suka ci karo da abinda ya sanya da yawa daga cikinsu sakin fitsari a wando,
.
Doguwar bakin bindigace ta faro danno kai cikin dakin sannan Aba yawo ya shigo dakin fuskarsa tamau ya dubi daliban dake bakin kofan,ya daka masu tsawa "dan ubanku baza kuyi sauri ba"
A firgice cikin tsananin tsorata daliban suka fita daga dakin
Suna futowa suka yi arangama da wasu daliban,,
.
Audu ya saki Aliyu cikin matukar galabaituwa Aliyu ya sulale zai fadi kasa, kafin ya kai kasan haidar da mansir suka dago shi, haidar ne yayi goho mansir ya dora masa Aliyu a bayansa sannan suka fice daga dakin...
....
Cikin kankanin lokaci yan ta'addan suka yashe gaba dayan dakunan kwanan dalibai na GONGOLA HOUSE da BENUE HOUSE, cikin sa'a basu samu wani mishkila
.
Gungun dalibai ne da adadinsu yakai dari biyu 200 hade da shaidanun yan ta'adda hudu ke ratsa cikin dokar dajin, dajin yayi tsit sakamakon dare daya tsala in kadauke kukan kananun kwari dana tsuntsaye gamida karar taka busassun ganyayyaki da daliban ke mutanen ke takawa babu wani sauti dake tashi,,,,
.
Doguwar tafiyace ta kai su ga inda yan ta'addan suka faka doguwan motarsu har a lokacin Abokan biyar na tare da juna zuciyoyinsu a cike da bakin ciki, bawai kwashe su da yan ta'addan sukai bane ke damunsu , Halin da dan uwansu,Amininsu kuma Abokinsu Aliyu ya fada shine babban abun dayai matukar tayar musu da hankali
.
Kafin wannan daren da Abokan suka kirashi da MUMMUNAN DARE Abokan sun kasance suna rayuwa cikin farin ciki, Annushwa, gamida fara'a
Amma bayan wanzuwar daren sai farincikin dake rayuwansu ta juye izuwa bakin ciki, Annashwar da suke wa junansu ta rikide izuwa ruwan hawaye,,, akoda yaushe fuskokinsu cikin fara'a take, da yawa daga cikin dalibai sukan ce da su "ABOTAR ku tana birgemu,"
"Ina ma ina daga cikinku"
"Ban taba ganin ABOKAI irin ku ba Arayuwata"
Irin wayannan maganganu dama wasu sune dalibai,malamai da ma'aikatan makarantar ke cewa da su
.
Jagwa dake gaban daliban ya nufi bayan doguwar motar ya bude murufinta, yai wa daliban inkiya da hannu kan cewa su shige cikin motar,
...
****=====****
Sidi kashe babba kashe yaro asalinsa dan Adamawa ne, tun yana shekarun yarinta ya shiga Duniya neman kudi, A lokacin bai fi shekaru goma sha biyar ba, ya kware sosai wajen sane da yanke aljihun mutane, ya yawata gari gari a sassan Nijeriya, kafin daga baya ya koma fashi da makami inda ya hada gungun yaransa su biyar wayanda suma duk a yawon duniyar suka hadu,
.
SIDI kashe babba kashe yaro yayi ta'adddanci babu adadi a kasan Nijeriya , a ka'idansa muddin aka futa aiki to babu babba babu yaro duk wanda ya kawo wargi kashe sa ake, hasalima ta nanne ya samo sunan KASHE BABBA KASHE YARO
.
____
Karamin dakine mai wadataccen fadi, hasken kwayayen lantarki ya karade dakin,
Acp kamalune zaune kan kujera, a gabansa kuwa dan ta'adda Sidi kashe babba kashe yarone,
Acp kamalu yaja doguwar numfashi ya idanuwansa na kan dan ta'addan da kamanninsa suka canja yace "kana baiwa kanka wahala kana kana bama shari'a wahala, izan da ace ka sanar damu abubuwan da muke bukatan ji daga gareka da tuni yanzu haka kana magarkama, amma taurin kanka ya hanaka, kasani nan da gobe muddin baka fada mana wa ke saka ku aikata ta'addanci ba, to ni da kaina zan harbeka"
.
Koda dan ta'adda sidi yaji haka sai ya bushe da dariya sai da ya dau lokaci mai tsayi yana dariyar, sannan yai shiru, cikin dakewa yace "me nene mutuwa, kai kake tsoronta bani ba, don ni kullum acikinta nake, yan sanda ku ke tsoron mutuwa amma mu yan ta'adda bama tsoronta hasalima bamu santa ba"
.
"Ai ko gobe zan dandana maka dacin mutuwa" Acp na kamalu ya fadi sannan ya mike tsaye ya nufi kofan ficewa daga dakin, sai da yakai bakin kofar dakin ya juyo ya dubi dan ta'adda sidi yace "na baka daga yau zuwa gobe, ka canja shawara domin kuwa babu makawa gobe sai na alburusheka"
Yana gama fadin hakan ya fice daga dakin,
Dan ta'adda sidi ya sake fashewa da dariya a karo na biyu ya dau tsawon lokaci yana kyakyatawa, lokaci guda ya tsaida dariyan da yake ya dauki wani sanda dake ajjiye a gefensa da taimakon sandan ya mike tsayi, cikin dingisawa ya nufi gabashin kusurwan dakin, ya daga kai sama yana kallon CCTV camera dake like a saman bangon dakin, yayi murmushi mai ciwo sannan yace "ku yan tsinannu da sannu zakuyi nadamar abun da kuka aikata mana,"
......
Jami'an yan sanda biyu dake zaune a cikin ofishin acp kamalu suna kallon abun dake faruwa tsakanin Acp kamalu da dan ta'adda sidi a cikin na'ura mai kwakwalwa, suka jinjina kai
"Kana ganin yallabai zai iya kashe shin " jami'in dake gefen dama ya fadi yana duban dayan dan sandan
"Ai muddin yallabai ya fadi magana to se ya cikata, hala baka da labarin irin jajircewansa, sabida gaskiyansa hade da kwazonsa a aiki yasa ake tayi masa canje canjen wurin aiki, kuma duk garin da yaje sai ya share yan iskan cikinta ya zuba su cikin kwandon shara, bindige dan ta'adda a wurinsa ba wani abune mai wahala ba,"
Dan sandan dake gefen hagu ya fadi yana kokarin mikewa tsaye
"Tab lallai lamarinsa ya girmama"
...

Thursday, 3 January 2019

AISHA cigaban AJALI page 4

 
AISHA
Cigaban AJALI
Shafi'U Dauda Giwa
Typing by Shuraih Usman
Page 4
.
Mutanen da ke zaune a kusa da gidan da al'amarin ya faru, wadanda kuma su gani suka yi ba ji ba, su ne lokacin da A'isha ta budewa Gali kofar gidan, an ji yana kuka yana daka mata tsawa a fusace yana cewa.
.
"Ni za ku ci amanata ke da Nazifi, A'isha? Da ma duk halaccin da na yi wa Nazifi ashe ke ce ya sace mani ya ce ya yi amarya ban sani ba?" Daga nan sai aka ji tashin bindiga da kuma kururuwar 'yar budurwa A'isha. Bayan ya fada cikin gidan, a nan ma sai da ya yi wa Nazifi nashi surutun cikin fushi, kafin ya ba shi tasa tsarabar harsashin, wannan ne ba a ji abinda ya fadi ba
.
Koda 'yan jarida suka zo tamabayoyi, ba a samu wanda ya ce ya ji abinda Gali ya ce da amininshi Nazifi ba. To ko ma dai me ya ce da shi, wannna ya zama tarihi tunda dai ya sakarwa abokin nashi
wuta, ya kashe shi har lahira.
.
Mutanen da suke bayar da labarin yadda abin ya kasance sun ce, lokacin da Gali ya gama yin kashe-kashen ya fita hayyacinsa. A haka ya fito waje rike da bindigarsa tsirara a hannu, yana zage-zage. Kuma yana nan bai gudu ba har aka kirawo jami'an tsaro, suka cafke shi suka tafi da shi, wanda ake kyautata tsammanin kwakwalwar Gali ta birkice, ya haukace a dalilin haka
.
Alhaji Dage bai yarda ya sake dora idanunsa a kan gawarwakin biyu ba tun lokacin da ya je asibitin da ya gan su a kallo na daya. A lokacin ne manema labarai da suka biyo gawarwakin har asibitin domin su dauki rahotonsu, suka tsare mahaifin A'isha da tambayoyi.
.
Bai yi musu ba ya sanar da su cewar shi ma yana da nashi laifin bakin gwargwado. "Na yi nadamar faruwar wannnan mummunan al'amari. Dukkan wannan abu da ya faru laifina ne, saboda ni na tilasta wa A'isha auren wanda ba ta so... ni na tilasta mata ..."
.
Alhaji Dage ya nemi jami'an tsaro da su ba shi gawar 'yarshi, a dawo da ita gida a yi mata sutura. Hakan bai samu ba domin kuwa ba a yi komai ba a wajen bincike, wanda wannan ne dalilin kai su mutuwaren kafin kura ta lafa
.
Alhaji Dage ya dawo gida zuciyarsa a karaye, da kyar yake iya taka kafarshi a kasa. Abubuwa marasa dadi sun taru sun yi masa yawa, ya ma rasa ko da wanne zai ji.
Da shigowarsa gida ya jefar da hularsa da kuma kwantareren gilashin shi a gefe guda, ya zauna a falo yayi tagumi, zufa na kwararo mashi
.
Da wanne ido mutanen gari za su kalle shi idan ya fita, bayan wannan labarin ya gama watsuwa a ko'ina? Da ma kuma ya yi kaurin suna. Shin da wanne zai ji? Zaman shi ke da wuya ko ruwa bai samu damar sha ba, sai Juma ta fito daga cikin dakinta ta zo kan shi ta tsaya kamar dogarin sarki
.
Alhaji Dage ya dago kan shi a sanyaye ya dube ta tun daga kasa har sama, ya ga ta ci damara, idanunta sun yi jawur, ta ci uban kuka ta gaji bayan tafiyarsa. Kwata-kwata ya mance da Juma matar shi, ya mance da wainar da za su toya bayan ya dowo gida
.
Ganin A'isha a kwance cikin jini ya fi ruda shi fiye da tunanin Juma. "Ka dawo ba ka ce komai ba." Ta ce da shi cikin daga murya. "Ina 'yata A'isha?" Alhaji Dage ya fashe da kuka. Ta ce da shi. "Ka fito min da 'yata, ba zan yarda in rasa 'yata A'isha ba, ka ji na fada maka, domin kuwa komai ya faru da ita, kai ka jawo mata wannan bala'in. Da a ce ba ka ci kudin samarin da suka zo neman auren ta ba wa zai bi ta ya harbe ta? To ka fito min da 'yata, in dai kana son zama lafiya ka je ka dawo mani da A'isha."
.
Motsattsen mutumin ya dubi idanun mafadaciyar matarsa a tsorace. "A ina zan je in dawo maki da ita? A'isha ta mutu, saboda haka mu yi hakuri mu duka, wanda ya mutu ba zai dawo ba. Juma hakuri za mu yi, mu yi mata addu'a..."
.
Ta katse shi, ta taso mashi kamar za ta hadiye shi. "Hakurin me za ka yi kai? Ai burinka ya cika, dama haka kake so. Kowa ya sayi rariya ai ya san cewar da ma sai ta jawo masa asara. Don haka ni 'yata kawai na sani, ba mutuwa ba ko me ta yi, ka je ka dawo mani da ita, kafarka kafarta a nan gidan. Idan ba haka ba wallahi, kai da ka sake zama lafiya a gidan nan har abada."
.
Alhaji Dage ya tabbatar da gaske take yi, a wannan karon tsiyar kawai take so su yi. To amma ya san cewar ita ma ba a cikin hayyacinta take sosai ba. Ya zama dole ya lallaba ta kada a yi mutuwar da yawa, don kuwa da a ce ita ma tana da bindiga, ba abinda zai hana ta sakarwa wannan miji nata wuta, sai dai kawai idan yana da sauran numfashi a gaba, da kuma sauran shan ruwa a gaba.
.
"Ka tashi ka je ka taho min da 'yata tun muna shaida juna ni da kai. Ba fa za ka zauna a gidan nan ba, sai ka je ka taho min da 'yata, ko ba ka ji ba na ne?"
.
Ganin ta sake matsowa dab da shi, tana nuna mashi yatsanta a kusa da goshin shi, sai ya tashi tsaye cikin sauri ya matsa baya. Sannan ya mayar mata da martani, ya ce da ita. "Sau nawa kike so in fada maki Juma, idan gawarta kike so in kawo maki, sai ki saurara sai zuwa gobe da safe, idan jami'an tsaro sun gama bincike sun ba mu ita."
Mafadadiyar matar ta yi tsalle kamar 'yar rasilin ta dira a gaban tsamurarren mijin nata. Bai ankara ba sai jin hannuwanta ya yi sun shake shi a wuya. Ta fara burari tana kururuwa iyakar karfinta.
____
Tab yau Alhaji Dage a shiga Hannun jarumar mace
Ina Mazan gidannan suke sukai mai agaji tun kafin ta illatashi,
-
Its shuraih 99% barkanku da safiya

AISHA cigaban AJALI page 3

 
AISHA
Cigaban AJALI
Shafi'U Dauda Giwa
Typing by Shuraih Usman
Page 3
.
A halin yanzu yana jiwo muryar wacce ke kukan sosai, kamar kuma tana motsi. Babu shakka wannan ba fatalwa ba ce, da gaske al'amarin yake faruwa. Kallamu mai gadi ya fara tunanin zuwa nemo wasu daga cikin likitocin da ke aikin dare a asibitin, domin ya sanar da su halin da ake ciki.
.
To amma kuma yana so dai ya sake tabbatar da abinda yake tsammani. Ba ya so a ce duk wannan al'amari da yake faruwa wai buwa irin wacce ya saba gani, shekara da shekaru. Idan har ya tsorata ya kira mutane aka zo ba a ga komai ba, babu abinda zai hana a yi masa dariya a washegari
.
Ga shi kuma an san shi da jarumtaka kamar yadda ya sha fadawa mutane labarin abubuwan da yake gani, masu ban al'ajabi a mutuwaren. Shi da ya ce gawa tana tasowa su ci abinci tare, su yi hira da daddare, bai taba jin tsoro ba, bai kamata
yanzu kuma ya tsorata har ya kira mutane ba, don kawai ya ji kukan mutum a cikin dakin da gawarwakin suke.
.
Ya kamata dai ya shiga ya tabbatar da idanun shi tukunna. Kallamu mai gadi ya kai ganin shi ko'ina a cikin asibitin, babu komai a kusa da shi sai duhun itatuwa manya da kananaDaga can nesa kuma hasken kwayayen wuta ne da ke cikin asibitin, da kuma wadanda ke cikin dogwayen dakunan da ake kwantar da marasa lafiya
.
Yawancin kwayayen da ke kusa da ginin mutuwaren sun mutu, ba a canza wasu ba tsawon lokaci, har kura ta ta fara lullube su. Wannan shi ne bangaren da ba a cika mayar da hankali a kai ba, domin kuwa idan ba dole ba, idan an zo kawo gawa, ko kuma idan za a dauke wasu a fita da su, ba kowa yake so ya matso kusa da harabar ba, sai dai dan tsoho Kallamu da shi ma ya zame masa dole, tunda dai gadin mutuware shi ne hanyarsa ta cin abinci, shekaru fiye da goma sa shida da suka bada baya
.
Kallamu ya kama kofar dakin mutuwaren ya bude ta a hankali, ya haska da tocilan dinsa. Babu wani motsi da ya gani a ciki. Kamar kullum, gurin yana nan tsit, babu wani mai numfashi a cikin fiye da gawarwaki saba'in da ke cikin mutuwaren, sabbi da kuma tsofaffi
.
Sautin muryar 'yar budurwar da yake tasowa daga cikin mutuwaren ya ci gaba da amsa-kuwwa a cikin shirun da kuma duhun da ke ciki. Kallamu mai gadi ya rike tocilarsa da kyau ya shiga cikin mutuwaren yana sanda da waige-waige, lullube da bargon shi kamar wanda ya shiga ramin kura.
.
Lokacin da ya karasa daidai wajen wata dirowa ne, inda ake saka kowacce gawa a rufe, sai ya ji kukan budurwar ya kara karfi, yana tasowa hade da numfashi sama-sama, da kuma alamar galabaita a muryarta.
.
Kallamu ya dubi wajen sosai, ya tabbatar a nan aka saka daya daga cikin gawarwakin da aka zo da su a ranar, don haka tunanin shi ya fara zama gaskiya, yanzu haka wata ce ta farfado, ba mutuwa ta yi ba, watakila doguwar suma ta yi. To ko ma dai me ta yi yanzu ta farfado, ita ce take wannan kukan, ana numfashi da kyar, saboda azabar da ke damun ta
.
Kallamu mai gadi ya dan tsaya na wani lokaci yana sauraron numfashinta da kuma shesshekar kukan nata. Zuwa can ya cire tsoro, ya kai hannu daya ya jawo dirowar da aka sa ta a ciki ta karfe, wanda ke tare da wasu huje-huje da ke fitar da sanadarin hana gawa ta kumbura.
.
Da budewar shi ya ja da baya ya haska ta da tocilarsa. 'Yar budurwar tana kwance kamar yadda aka kawo ta mutuwaren, duk da ta samu awa goma sha-biyu, wannan bai hana raunin harsashin da ya fada cikin gefen jikinta fitar da jini ba
.
dan tsohon ya sake ja da baya cikin firgici, domin kuwa ya samu labarin abinda ya faru da aka kawo gawarwakinsu ita da saurayinta. Ya tuno da sunanta.
"A'isha ce!!"
***
Tun lokacin da mummunan al'amarin ya faru, hankalin Alhaji Dage da kuma matar shi ya tashi. Ba su kadai labarin kisan-gillar da Gali ya yi wa A'isha da masoyinta Nazifi ya girgiza ba, kusan ko'ina mutum ya je a garin, labarin zai samu ana yi, mutane suna ta mamakin yadda aka yi har wannan rigima ta samo asali
.
Lokacin da aka zo ana sanar da mahaifin A'isha labarin, ya dade yana inda-inda a cikin gida, ya rasa me ya kamata ya yi. To amma kuma da ya ga yadda matarsa Juma take ta kururuwa tana tima a kasa, kamar wacce ta hau bori aljana Baharaja, sai ya ga cewar barinsa gidan shi ya fi dadi, domin kuwa a irin wannan birarin da take yi a dalilin labarin mutuwar A'isha, za ta iya cafarsa ta baya da kusa ba ta sani ba
.
Domin kuwa babu rigima a gidan ma ta sha ta yi koli-koli da shi ta jefar, idan tsiyarta ta taso, to ballantana kuma yanzu da fada mai dalili ya taso.
Sa'ar da Alhaji Dage ya je inda abin ya faru, tuni har jami'an tsaro sun kwashe gawarwakin masoyan sun nufi asibiti da su. Koda yake an tafi da su ne domin kawai sha'anin bincike, amma tun kafin a kwashe su duk sun sheka zuwa gidan gaskiya, ta hanyar harbi dai-dai kwarara da Gali ya yi wa masoyan biyu. Bayan ya samu nasarar yi wa A'isha kwakkwaran harbi daya a gefen ciki, da ya fada cikin gidan, kuma sai ya sakarwa
Nazifi nashi harsashin a goshi.
______
Sai mun hade JIbI abokai
Its shuraih 99%

ABOKAI littafi na biyu 2 part 3

 
ABOKAI
Littafi na biyu 2
Marubuci Shuraih Usman
Typing:- by Shuraih Usman
© Shuraih 99% 2019
Part 3
.
Agurguje daliban suka karisa fita daga dakin,
*****=====******
Lokaci guda haidar,jibrin,Hassan da mansir suka mike daga wurin Aliyu suka fara dumfarar yan ta'addan, izan ka kalli fuskokinsu zaka tsinkayi babban tashin hankali shimfide akan ta hakanan kuwwan fansa na tashi daga cikin idanuwansu,
.
Yan ta'addan biyu suka seta bakin bindigoginsu yana fuskantar ABOKAN,
"Ku tsaya a inda kuke ko yanzun nan mu aika daku,inda na aika dan uwanku" Audu ya fadi yana kokarin sakin harsashi
Cikin zafin nama silli ya wafce bindigarsa lokacin daya fahimci kudurinsa yace "haba Audu so kake ka batamana shiri, bafa kisa ya kawo mu nan ba, "
.
Ran Audu a bace ya dubi silli yace "dan ubanka bakaga su neman kashe mu suke ba, zuwa garemu sukefa" Silli ya juya ya dubi Abokan har yanzu suna kokarin kusanto inda suke,
Ba shiri Audu da silli suka fara ja da baya don sunyi matukar razana da yanayin da suka tsinkaya a fuskar ABOKAN
.
Haidar,jibrin,hassan da Mansir tafiya suke idanuwansu a rufe basa ganin komai face yan ta'addan nan, babu abunda ke tashi a zuciyoyinsu face wutar fansa, ....
Haka suka cigaba da nufar yan ta'addan da bakar fuska, duk da kashedi gami da barazanar da yan ta'addan ke yi masu hakan bai sa sun tsaya ba,,,
.
"HhhhHhhhhhjjjjj" sautin nishi ya fara tashi daga bayan Abokan, cikin sauri Abokan suka juya lokacin da suka jiyo sautin ko tantama basa yi sautin na fitowa ne daga jikin Abokinsu Aliyu dake kwance a kasan dakin,,,,
Da gudu suka isa wurinsa, suka iske idanuwansa a bude hancinsa na surnano nishi sama-sama
.
Mansir ya mike ya debo ruwa a karamin kofi ya zuba wa Aliyu aka, sannan ya bashi ya sha,
Duk wannan Abu dake faruwa yan ta'addan biyu suna daga nesa a tsaye, hakanan daliban dakin ma suna takure a gefe daya, zuciyoyinsu cike fal da tsoron shedanun yan ta'addan nan,,
.
Audu ya fisge bindigarsa daga hannun Silli sannan ya nufi wurin Abokan wayanda suke durkushe,
Hasan ya tallabo bayan Aliyu suka zaunar da shi, har yanzu bai gama dawowa cikin hayyancinsa ba,
"Aliyu kana jina? Nine Aboki" haidar ya fadi yana jujjuya tafin hannunsa a gaban fuskar Aliyu
Kwatsam ba zato ba tsammani sai gani Abokan sukai an janye Aliyu daga zaunen da yake, an daga shi sama,
.
"Kai wai su waye ku ne? Me mu kai maku ne " hasan ya fadi cikin muryan bacin rai
Audu ya zaro doguwar wuka daga mararsa ya aza a wuyan Aliyu sannan yace "Mune Guguwan Annoba, anai mana inkiya da Gobara daga Kogi, mune muka gagari nahiyar Africa, ba ku mana komai ba, hakanan ba cutar da ku muka zo yi ba amma muddin ku kayi taurin kai kuka bin umarninmu to dukkanku sai mun hallakaku sannan mu aiwatar da kudurinmu, kuma takan Dan uwan kunnan zamu fara"
.
"Me kuke son mui maku, dun Allah kada ku kashe shi koma menene zamuyi maku" jibrin ya fadi hawaye na bin kumatunsa
Silli ya kariso wurin
Audu ya dubeshi yace " a fara aiki silli"
Rufe bakin Audu ke da wuya Silli ya dubi daliban yace da su " ku wuce mu tafi"
Ba musu daliban dake a matukar tsorace wayanda adadinsu yakai ashirin suka nufi kofan dakin, ,,,
Suna zuwa bakin kofan ne suka ci karo da abinda ya sanya da yawa daga cikinsu sakin fitsari a wando,
.
Doguwar bakin bindigace ta faro danno kai cikin dakin sannan Aba yawo ya shigo dakin fuskarsa tamau ya dubi daliban dake bakin kofan,ya daka masu tsawa "dan ubanku baza kuyi sauri ba"
A firgice cikin tsananin tsorata daliban suka fita daga dakin
Suna futowa suka yi arangama da wasu daliban,,
.
Audu ya saki Aliyu cikin matukar galabaituwa Aliyu ya sulale zai fadi kasa, kafin ya kai kasan haidar da mansir suka dago shi, haidar ne yayi goho mansir ya dora masa Aliyu a bayansa sannan suka fice daga dakin...
....
Cikin kankanin lokaci yan ta'addan suka yashe gaba dayan dakunan kwanan dalibai na GONGOLA HOUSE da BENUE HOUSE, cikin sa'a basu samu wani mishkila
.
Gungun dalibai ne da adadinsu yakai dari biyu 200 hade da shaidanun yan ta'adda hudu ke ratsa cikin dokar dajin, dajin yayi tsit sakamakon dare daya tsala in kadauke kukan kananun kwari dana tsuntsaye gamida karar taka busassun ganyayyaki da daliban ke mutanen ke takawa babu wani sauti dake tashi,,,,
.
Doguwar tafiyace ta kai su ga inda yan ta'addan suka faka doguwan motarsu har a lokacin Abokan biyar na tare da juna zuciyoyinsu a cike da bakin ciki, bawai kwashe su da yan ta'addan sukai bane ke damunsu , Halin da dan uwansu,Amininsu kuma Abokinsu Aliyu ya fada shine babban abun dayai matukar tayar musu da hankali
.
Kafin wannan daren da Abokan suka kirashi da MUMMUNAN DARE Abokan sun kasance suna rayuwa cikin farin ciki, Annushwa, gamida fara'a
Amma bayan wanzuwar daren sai farincikin dake rayuwansu ta juye izuwa bakin ciki, Annashwar da suke wa junansu ta rikide izuwa ruwan hawaye,,, akoda yaushe fuskokinsu cikin fara'a take, da yawa daga cikin dalibai sukan ce da su "ABOTAR ku tana birgemu,"
"Ina ma ina daga cikinku"
"Ban taba ganin ABOKAI irin ku ba Arayuwata"
Irin wayannan maganganu dama wasu sune dalibai,malamai da ma'aikatan makarantar ke cewa da su
.
Jagwa dake gaban daliban ya nufi bayan doguwar motar ya bude murufinta, yai wa daliban inkiya da hannu kan cewa su shige cikin motar,
...
****=====****
Sidi kashe babba kashe yaro asalinsa dan Adamawa ne, tun yana shekarun yarinta ya shiga Duniya neman kudi, A lokacin bai fi shekaru goma sha biyar ba, ya kware sosai wajen sane da yanke aljihun mutane, ya yawata gari gari a sassan Nijeriya, kafin daga baya ya koma fashi da makami inda ya hada gungun yaransa su biyar wayanda suma duk a yawon duniyar suka hadu,
.
SIDI kashe babba kashe yaro yayi ta'adddanci babu adadi a kasan Nijeriya , a ka'idansa muddin aka futa aiki to babu babba babu yaro duk wanda ya kawo wargi kashe sa ake, hasalima ta nanne ya samo sunan KASHE BABBA KASHE YARO
.
____
Karamin dakine mai wadataccen fadi, hasken kwayayen lantarki ya karade dakin,
Acp kamalune zaune kan kujera, a gabansa kuwa dan ta'adda Sidi kashe babba kashe yarone,
Acp kamalu yaja doguwar numfashi ya idanuwansa na kan dan ta'addan da kamanninsa suka canja yace "kana baiwa kanka wahala kana kana bama shari'a wahala, izan da ace ka sanar damu abubuwan da muke bukatan ji daga gareka da tuni yanzu haka kana magarkama, amma taurin kanka ya hanaka, kasani nan da gobe muddin baka fada mana wa ke saka ku aikata ta'addanci ba, to ni da kaina zan harbeka"
.
Koda dan ta'adda sidi yaji haka sai ya bushe da dariya sai da ya dau lokaci mai tsayi yana dariyar, sannan yai shiru, cikin dakewa yace "me nene mutuwa, kai kake tsoronta bani ba, don ni kullum acikinta nake, yan sanda ku ke tsoron mutuwa amma mu yan ta'adda bama tsoronta hasalima bamu santa ba"
.
"Ai ko gobe zan dandana maka dacin mutuwa" Acp na kamalu ya fadi sannan ya mike tsaye ya nufi kofan ficewa daga dakin, sai da yakai bakin kofar dakin ya juyo ya dubi dan ta'adda sidi yace "na baka daga yau zuwa gobe, ka canja shawara domin kuwa babu makawa gobe sai na alburusheka"
Yana gama fadin hakan ya fice daga dakin,
Dan ta'adda sidi ya sake fashewa da dariya a karo na biyu ya dau tsawon lokaci yana kyakyatawa, lokaci guda ya tsaida dariyan da yake ya dauki wani sanda dake ajjiye a gefensa da taimakon sandan ya mike tsayi, cikin dingisawa ya nufi gabashin kusurwan dakin, ya daga kai sama yana kallon CCTV camera dake like a saman bangon dakin, yayi murmushi mai ciwo sannan yace "ku yan tsinannu da sannu zakuyi nadamar abun da kuka aikata mana,"
......
Jami'an yan sanda biyu dake zaune a cikin ofishin acp kamalu suna kallon abun dake faruwa tsakanin Acp kamalu da dan ta'adda sidi a cikin na'ura mai kwakwalwa, suka jinjina kai
"Kana ganin yallabai zai iya kashe shin " jami'in dake gefen dama ya fadi yana duban dayan dan sandan
"Ai muddin yallabai ya fadi magana to se ya cikata, hala baka da labarin irin jajircewansa, sabida gaskiyansa hade da kwazonsa a aiki yasa ake tayi masa canje canjen wurin aiki, kuma duk garin da yaje sai ya share yan iskan cikinta ya zuba su cikin kwandon shara, bindige dan ta'adda a wurinsa ba wani abune mai wahala ba,"
Dan sandan dake gefen hagu ya fadi yana kokarin mikewa tsaye
"Tab lallai lamarinsa ya girmama"
...

AISHA cigaban AJALI na shafi'u Dauda Giwa page 2

 
AISHA
Cigaban AJALI
Shafi'U Dauda Giwa
Typing by Shuraih Usman
Page 2
.
To amma kuma duk wannan karfin hali da wannan tsoho yake da shi a halin yanzun da yake a zaune a bakin kofar shiga cikin mutuwaren, lullube da bargo, akwai wani abu da yake damun shi, wanda ya hana shi barci.
.
Ya kai kimanin awa biyu yana duba agogon da ke daure a hannunshi kyafta-kato. Ya kosa gari ya waye, domin kuwa duk da irin labaran da tsohon yake ba mutane a asibitin a game da sha'anin mutuware, ko sau daya bai taba yadda ya leka ciki da daddare ba.
.
Don abin tsoro babu shakka, Kallamu bai yi karya ba, yana gane-gane, iri-iri, amma fa komai zai gani sai dai ya zo ya same shi inda yake zaune ko kuma ya hange shi daga nesa, bai taba yarda ya tashi ya bi wani abu da bai gane masa ba.
.
Tun misalin karfe goma sha biyu na dare, ya kwanta kenan a karamar barandar mutuwaren inda ya saba kwana, ba zato ba tsammani sai yaji kamar kukan mage yana tasowa a cikin mutuwaren. Da ya saurara da kyau kuma sai ya ji kamar ba mage ba ce take kukan. Abin ya fi kama da sautin kukan
mace, yana ratsa shirun da ke dakin mutattun da kuma shuke-shuken da ke zagaye da mutuwaren. Kallamu maigadin ya yi fakare yana sauraro. .
.
Babu shakka a cikin gawarwakin nan wata ke yin wannan kukan, domin kuwa idan ba a cikinsu ba to me zai kawo wata budurwa ta rika yin kuka a cikin dakin matatttu? Jin haka sai tsoho ya ji cikin shi ya duri ruwa.
.
Ba a kowanne lokaci yake gamuwa da abubuwan ban tsoro ba wannan wajen, a kan dauki lokaci kafin ya sake ganin wani abun. To amma fa a wannan karon ya san cewar ranar ganin ban tsoron ce ta sake zuwa, domin kuwa babu wani mai rai a wajen nan sai shi kadai, me ya sa wata budurwa take kuka?"
.
Tsohon ya fasa kwanciya, ya zauna a kan kujerar shi cikin damuwa. Shi dai bai zai iya lekawa cikin dakin ya gani ba, wannan ba aikin shi ba ne, aikin likitocin da ke kula da gawarwaki ne idan sun zo. Don haka sai ya zauna yana jiran gari ya waye idan sun zo su ga abinda yake faruwa a ciki da kansu.
$
Kallamu mai gadi ya tuno wasu gawarwaki biyu da aka kawo a ranar, na wani saurayi da wata budurwarsa da aka ce wani soja ya harbe su har lahira, wanda aka mika maganar a hannun jami'an tsaro, kafin su bada damar a mika gawarwarkin ga `yan'uwansu bayan an gama shari'a an yanke wa wanda yayi kisan hukunci.
.
Bayan wadannan masoya biyu da aka kawo su a wannna rana Kallamu maigadi yana sane da cewar akwai gawaarwakin da suke a mutuwaren tun fiye da shekaru biyar da suka wuce. Idan ana sabawa da matattu ya kamata ya saba da su, amma duk da irin wannan sabo da ya yi da su, ba a taba samun ranar da ya ji wata gawa tana kuka ba, sai a wannan dare.
.
Da farko kukan yakan saurara, kamar za ta daina, zuwa can kuma idan ya dan fara gyangyadi, sai kuma ya ji an dawo an ci gaba. Nan danan sai ya sake yin zuru ko kyaftawa ba ya yi.
$
A wannan karon kallamu maigadi yana kyautata zaton ba waibuwa ba ne wannan kukan, kuma da wahala idan tunburkan aljanu ne da ke a waje, yana kyautata tsammanin da gaske ne, babu mamaki daya daga cikin gawarwakin ne wani ya farfado
.
To amma wacce gawar ce za ta farfado? Shin gawar da ta mutu shekara da shekaru ce kuma yanzu za ta farfado? Lallai abin da kamar wuya. Wa ya sani kuma ko a cikin gawarwakin da a ka zo da su ne a ranar, na saurayi da `yar budurwarsa.
.
Irin wannan al'amari, idan dai da gaske haka din ne, ya taba faruwa sau biyu a wannan mutuwaren a shekarun da suka wuce. Akwai wani yaro da wani direban babbar mota ya buge ya mutu aka zo da shi, kafin rigimar da ake yi tsakanin iyayen yaron da direban ta lafa, wadanda suka ce sai ya biya su dansu tunda dai da gangan ya buge shi, yana gudu a cikin gari
.
A cikin daren yaron ya farfado, Kallamu ya ji yaron yana kuka da sukur-sukur a cikin dirowar adana gawarwaki. Sai da safe ta yi ya kira likitocin suka zo suka duba suka sami yaron ya farfado ba mutuwa yayi ba. Mutum na biyu da ya nuna irin wannan tsawancin kwana kuma wani dan fashi ne da jami'an tsaro suka harba a gungun wasu barayi da suka tare hanya, wanda
yan'uwansa suka samu sa'ar arcewa suka fada cikin daji.
.
Duk da harsashi ya bi ta cikin wuyan barawon kuma an duba shi an duba shi ya mutu, wannan bai hana shi farfadowa ba a mutuwaren a cikin dare. Kuma ya ci rashin sa'a, domin kuwa a lokacin da Kallamu maigadi ya bazama ya isar da labarin farfadowar barawon, a ranar aka karasa shi, domin kuwa ba a bukatar zaman irin su a
duniya tare da mutanen arziki.
.
Saboda haka duk yadda aka yi yanzu ma wata ce ta sake farfadowa a wannna karon. Wannan tunanin shi ya dan sanyaya zuciyar tsohon, domin kuwa ya gwammace a ce wata
awa ce ta farfado a cikin matattun, fiye da a ce fatalwa ce ta taso, ko kuma wani matacce ya taso ya zo ya tsare shi ya ce yana jin yunwa.
.
Wannan shi ne bala'in da ba ya so, yana ganin irin shi a wajen gadin mutuware. Don haka sai ya yi ta 'yan maza ya tashi ya matsa jikin kofar gilashin mutuwaren ya dan leka da kanshi. Duk da yake kuwa ya san ba zai yi nasarar ganin komai ba, sai bakin duhun da ke cunkushe da dakin kamar makabarta.
_____
Ku tsumayeni gobe
Its Shuraih Usman
shin ku na son ku riga samun littatafanmu da zarar mun dora to kuyi sauri ku subscribing namu
Join Our Newsletter